Qazaqstan • 25 Aqpan, 2019

Negizgi qaryzyn tólegen kásiporynǵa úsh esege kóp ósimpuldy esepten shyǵardy

309 retkórsetildi

Júrgizilip jatqan salyqtyq amnıstııa aıasynda salyqtan 20,8 mln teńge negizgi qaryzyn tólegen Astana qalasynyń kásipornyna 61,6 mln teńge ósimpul esepten shyǵaryldy. Al Almaty oblysynyń salyqtar boıynsha 661 teńge bereshegin tólegen jeke kásipkerge 21,5 myń teńge ósimpul esepten shyǵaryldy. Bul týraly Memlekettik kirister komıtetiniń Baspasóz qyzmeti habarlady.

Jalpy, respýblıka boıynsha 2019 jyldyń 21 aqpanyna 31 279 salyq tóleýshi bıýdjetke 2018 jyldyń 1 qazanynda bolǵan jalpy somasy 6,3 mlrd teńgeni quraıtyn negizgi qaryzyn tólegen.

Bul salyq tóleýshiler boıynsha 1,2 mlrd teńge ósimpul jáne 200,0 mln teńge aıyppul esepten shyǵarylatyn bolady.

Búgingi kúni 1 383 salyq tóleýshi boıynsha 119,9 mln teńge somasynda ósimpuldar, bir salyq tóleýshi boıynsha 16 myń teńge somasynda aıyppul esepten shyǵaryldy.

2019 jyldyń 1 qańtarynan bastap shaǵyn jáne orta bıznes sýbektileri úshin salyqtyq raqymshylyqty júrgizýdi qarastyratyn Zań kúshine engeni belgili. Al 2019 jyldyń 8 aqpanynan bastap Beresini tólegen jaǵdaıda ósimpul men aıyppul somasyn esepten shyǵarý qaǵıdalary qoldanysqa engen bolatyn.

Aldyn ala derekter boıynsha 2018 jylǵy 1 qazandaǵy jaǵdaıǵa sáıkes 340,6 mlrd teńge salyq bereshegi bar 90 077 shaǵyn jáne orta bıznes sýbektisi (31 210 zańdy tulǵa jáne 58 867 dara kásipker) raqymshylyqqa jatatynyn esterińizge salamyz.

Bul rette shaǵyn jáne orta bıznes sýbektileriniń memlekettik kirister organdaryna barýdyń qajeti joq: ósimpuldar men aıyppuldar salyq tóleýshiniń ótinishinsiz esepten shyǵarylady. Ońaltý rásimindegi jáne salyqtar boıynsha tóleý merzimin uzartqan salyq tóleýshilerge qatysty raqymshylyq qoldanýdyń tártibi basqasha.

Sondaı-aq, qazirgi ýaqytta negizgi qaryzyn tólegen jaǵdaıda eesptelgen ósimpuldy esepten shyǵarý jolymen jeke tulǵalar úshin salyq raqymshylyǵyn ótkizý boıynsha Memleket basshysynyń tapsyrmasyn oryndaý maqsatynda, memlekettik kirister organdarymen QR zańnamalyq aktilerine túzetýler ázirlenip, múddeli memlekettik organdarmen kelisýge jiberilgen bolatyn.

Sońǵy jańalyqtar

Elimizde indet juqtyrǵandar sany 500-ge jetti

Koronavırýs • Búgin, 09:30

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar