Sondaı-aq bul somany bólip tóleý joldary qarastyrylǵan. «Túrkistan qalasyn gazdandyrý isi búgingi kúnniń basty máselesiniń biri. Kógildir otyndy úıge deıin kirgizý jumystaryn 80 myń teńgege deıin tómendettik. Al, 6 myń teńge gaz óship qalǵanda turǵyndar gazǵa tunshyǵyp qalmas úshin, aýany tazartatyn quraldyń baǵasy. Onyń 1000 teńgesi gaz qubyryn júrgizýshi merdiger mekemeniń esebinen tólenip otyr. Úıge deıin gaz kirgizýdiń jalpy somasy 85 myń teńge bolyp bekitildi. Sondaı-aq, turǵyndardyń 85 myń teńgeni úsh bólip tóleýge de múmkindigi bar. Birinshi kezeńde qujattamalar jasaý úshin 30 myń teńge tóleıdi. Qujattamalar tolyǵymen aıaqtalǵannan soń gaz qubyrynyń ishki qurylystary júrgiziletin tusta 30 myń teńge tóleıdi. Qurylys jumystar tolyǵymen támamdalyp, gazdy qosatyn kezde qalǵan 25 myń teńgesimen eseptesetin bolady», – dedi qala turǵyndarymen kezdesýde «Nur Otan» partııasy Túrkistan oblystyq fılıaly tóraǵasynyń birinshi orynbasary Nurmahan Joldasov.
Bıyl Túrkistan qalasy turǵyndarynyń 60 paıyzǵa jýyǵy, al 2020 jyly tolyǵymen tabıǵı gazben qamtylmaq.
Ǵalymjan ELShIBAI,
«Egemen Qazaqstan»
Túrkistan oblysy
