Ásel Dúısenbaeva 1984 jyly 13 qańtarda Atyraý oblysynda týǵan.
Osydan 19 jyl buryn Áseldiń otbasymen baılanysy úzilgen bolatyn. 2000 jyly 7 cáýirde dostasyp júrgen tájikstandyq azamatpen Saratov-Dýshanbe baǵytyndaǵy poıyzben Atyraýdan Tájikstanǵa ketken. Qolynda týý týraly kýáligi ǵana bolǵan, keıin ony joǵaltyp alypty.
Dýshanbe qalasynyń vokzalyna kelgennen keıin tájikstandyq álgi azamat Áseldi aldap, tastap ketken. Vokzalda júrgen kezinde jergilikti bir áıelmen tanysyp, sonyń úıinde 10 jyl turǵan.
Sodan keıin, 2011 jyly bir tájikstandyq azamatpen azamattyq nekede turyp, 2013 jyly ajyrasyp ketken, balalary bolmaǵan. Osy kezge deıin Dýshanbe qalasyndaǵy dámhanada daıashy bolyp jumys istegen.
Ásel bıyl qańtarda Dýshanbe qalasyna kelgen bir Qazaqstan azamatymen tanysyp, oǵan óz sýretin jáne jeke derekterin bergen eken. Ol azamat WhatsApp jelisi arqyly Ásel týraly aqparatty taratyp, nátıjesinde Áseldi anasy Mustaqıma Dúısenbaeva tanyp, Qazaqstannyń Tájikstandaǵy Elshiligine ótinishpen shyǵypty.
Onyń ústine Ásel týraly bilgen atyraýlyq depýtat Qazaqstan Syrtqy ister mınıstri Beıbit Atamqulovqa Áseldi tabýǵa qoldaý kórsetý boıynsha ótinish jasaıdy. О́z kezeginde B.Atamqulov elimizdiń Dýshanbedegi Elshisine telefon shalyp, Áseldi izdestirýge tapsyrma beredi.
Elshilik ony tabý úshin Tájikstannyń quzyrly organdaryna saýal jibergen bolatyn. Qazaqstandyq dıplomattar jáne Tájikstan Ishki ister mınıstrliginiń Qylmystyq-izdestirý basqarmasynyń kúshterimen úısiz-kúısizderdi qabyldaıtyn oryndar, sondaı-aq tirkeýde turǵan nemese qujatsyz júrgen adamdar arasynda izdestirý jumystary júrgizilgen. Oǵan qosa, eldegi túrli dámhanalar, meıramhanalar, túngi klýbtar tekserilgen.
Degenmen, izdestirý jumystary nátıje bergen joq. Qoldarynda tek qana fotosy bar jáne esimin biletin dıplomattar úshin Áseldi birneshe júz myń xalqy bar Dýshanbeden tabý rasynda ońaı emes edi.
Ásel jáne ony tabamyz dep áreket jasaǵan Elshilik qyzmetkerleri úshin taǵdyrsheshti kún bıylǵy 19 aqpan boldy. Sol kúni Elshiliktiń konsýly A.Bekbosynovqa Áselge uqsaıtyn adam bar dep Dýshanbe qalasynyń polısııa qyzmetkeri telefon soǵyp, kelip ketýlerin ótinedi. A.Bekbosynov sol jerge dereý barǵanymen, ol Ásel bolmaı shyǵady.
Áseldi tabamyz degen úmiti úzilgen A.Bekbosynov óziniń jumysqa qaıtyp bara jatyp, joldyń shetinde turǵan Áselge uqsaıtyn áıeldi baıqaıdy. Dereý toqtap, qasyna baryp, qazaqsha «Sizdiń esimińiz Ásel emes pe?» - dep suraıdy. Ásel bul suraqty qazaqsha túsinbeı, oǵan tájikshe sóıleı bastady. A.Bekbosynov óziniń suraǵyn oryssha qaıtalaǵannan keıin ǵana Ásel eseńgirep, «ıá, esimim - Ásel» dep jaýap beredi.
Konsýl Áselge týystary izdep júrgeni týraly aıtyp, telefonyndaǵy anasynyń vıdeosyn kórsetedi. Álgi jerde jas qyz esengirep, otyra qalyp jarty saǵattaı ókirip jylaıdy. Qýanyshy qoınyna syımaǵan olar birden Elshilikke keledi.
Áseldiń qolynda eshqandaı qujaty bolmaǵandyqtan, konsýl Atyraý qalalyq AHAJ bóliminen týý týraly aktilik jazbanyń kóshirmesin shuǵyl túrde suratady. Sol kóshirmeniń negizinde Qazaqstanǵa qaıtyp oralýǵa arnalǵan kýálik rásimdeledi.
Elshilik qyzmetkerleriniń kórsetken qarjylaı kómegimen 22 aqpanda Dýshanbe-Almaty-Atyraý baǵyty boıynsha áýebılet satyp alynyp, nátıjesinde, Ásel Atyraý qalasyna aman-esen jetip, anasymen jáne týystarymen 19 jyldan soń qaıta qosyldy.
Osylaısha, meıirimdi adamdar men mınıstrlik jáne Qazaqstannyń Dýshanbedegi qyzmetkerleriniń arqasynda 19 jyl jat jurtta júrgen otandasymyz elimizge oraldy.
