Parlament • 26 Aqpan, 2019

Senatorlar qorǵanys ónerkásibiniń kásiporyndarynda boldy

42 retkórsetildi

25 aqpanda Parlament Senaty Halyqaralyq qatynastar, qorǵanys jáne qaýipsizdik komıtetiniń tóraǵasy Darıǵa Nazarbaeva bastaǵan komıtet músheleri elimizdiń qorǵanys salasyndaǵy aldyńǵy saptaǵy ónerkásiptiń biri – brondy tehnıka shyǵaratyn «Qazaqstan Paramaýnt Injınırıng» mashına jasaý kásipornynda boldy. Bul týraly Parlament Senatynyń baspasóz qyzmeti habarlady.

Senatorlar qazirgi zamanǵy kúrdeli tehnıkanyń syrtqy «brondalǵan qabatynyń» qurylysynan bastap daıyn ónimge deıingi óndiris barysymen tanysty.

Sondaı-aq kásiporynnyń joǵary tehnologııalyq múmkindikteri, onyń ishinde shyǵarylatyn árbir mashınany kez-kelgen tapsyrys berýshiniń talaptaryna beıimdeı alatyn konstrýktorlyq bıýronyń jumysy da kórsetildi.

2015 jylǵy 20 qarashada Elbasy ashqan zaýyt mınadan qorǵanysy kúsheıtilgen brondy dóńgelekti mashına jasaýdyń jańa tehnologııasy boıynsha ásker men arnaýly bólimshelerge arnalǵan mashına shyǵarady. Olardyń asty 10 kg trotıl jarylǵyshy mólsherindegi jarylysqa shydaıtyn ballıstıkalyq joǵary qorǵanysqa ıe ári tasadan jasalǵan shabýyldarǵa tótep bere alady.

Zaýyt jumysy bastalǵannan beri tapsyrys berýshilerge arnap 4x4 dóńgelekti brondalǵan «Arlan» jáne «Alan» mashınalaryn shyǵarý jolǵa qoıyldy.  2018 jyldyń sońynda Qorǵanys mınıstrligine arnalǵan «Barys» 6h6 dóńgelekti bronetransporteri synaqtan ótti.

Qazirgi ýaqytta zaýyt uńǵysy 30 mm bolatyn otandyq «Ańsar» zeńbiregimen qosarlanǵan 7,62 uńǵyly qashyqtan basqarylatyn pýlemet qondyrylǵan 8x8 dóńgelekti «Barys» bronetransporterin synaqtan ótkizýge kiristi.

Qazirgi kezde kásiporyndaǵy jergilikti ónimder deńgeıi 72 paıyzǵa jetti, bul ishki tutynýshylarǵa baǵany tómendetýge jáne álemdik naryqqa básekelesterdiń ónimderinen sapaly ónimder shyǵarýǵa múmkindik beredi. «Qazaqstan Paramaýnt Injınırıng» mekemesiniń bas dırektory Erbol Sálimovtyń aıtýynsha, kompanııa otandyq satyp alýshylar qoıatyn talaptar arta tússe de ónimder qunyn tómendetýmen qatar, Qazaqstandy qorǵanys salasyndaǵy halyqaralyq naryǵyna laıyqty túrde pash etý úshin óndiris pen tehnologııalyq jelini keńeıtip otyr.

Senatorlar sondaı-aq «Qazaqstan Aselsan Injınırıng» mekemesinde de boldy. Bul kompanııa túnde jáne kúndiz kórsete alatyn, jylý shyǵaratyn zattardy kóretin, barlaý aspaptary men kásibı baılanys quraldaryn óndirýge jáne satýǵa mamandanǵan. Elimizdiń Qarýly Kúshteri men basqa da áleýetti qurylymdar kásiporynnyń negizgi tapsyrys berýshileri jáne kompanııa ónimi quramynyń 58 paıyzy qazaqstandyq bolyp tabylady. 2017 jyly Túrkııa men О́zbekstanǵa eksporttyq kelisim jasaldy. Endi TMD elderi men shetelge de ónim shyǵarý josparlanyp otyr.

Halyqaralyq qatynastar, qorǵanys jáne qaýipsizdik komıtetiniń músheleri Soltústik Qazaqstan, Mańǵystaý, Shyǵys Qazaqstan oblystaryndaǵy qorǵanys salasynyń kásiporyndarynda bolyp, olardyń áleýeti men ózekti máselelerimen tanysyp qaıtqan bolatyn.

Shara Parlament qabyldanǵan «Qorǵanys ónerkásibi jáne memlekettik qorǵanystyq tapsyrys týraly» zań men zańnamaǵa qorǵanys jáne aeroǵarysh ónerkásibi, aqparattandyrý salasyndaǵy aqparattyq qaýipsizdik máseleleri boıynsha túzetýler aıasynda boldy. Bul qujattar memlekettiń qorǵanys tapsyrysyn qalyptastyrý, ornalastyrý jáne oryndaý úderisiniń tıimdiligin arttyrýǵa, sondaı-aq elimizdiń qorǵanys ónerkásibiniń áleýetin damytýǵa baǵyttalǵan.

Sońǵy jańalyqtar

Aqmolada áýe qatynasy qatań baqylanýda

Aımaqtar • Búgin, 13:23

Tilsiz jaý taǵy keldi

Aımaqtar • Búgin, 13:09

Sanıtarlyq sharalar turaqty júrgiziledi

Aımaqtar • Búgin, 13:06

ShOB-ty qoldaý joldary túsindirildi

Ekonomıka • Búgin, 12:44

Almaty: Búginge deıin indet 90 adamnan tabyldy

Koronavırýs • Búgin, 12:19

Almatyǵa Qytaıdan gýmanıtarlyq kómek keldi

Koronavırýs • Búgin, 12:02

El ekologııaǵa alańdaıdy

Ekologııa • Búgin, 10:55

Jalǵan aqparat taratqandar jazalanady

Aımaqtar • Búgin, 10:42

Mańǵystaý oblysy karantınge jabylady

Aımaqtar • Búgin, 10:29

Uqsas jańalyqtar