Durys tamaqtaný – densaýlyq kepili

Álemde jylyna 36 mıl­­lıonnan astam adam ınfek­sııa­lyq emes aýrýlardan kóz jumady eken. Bul ólimniń 63 paıyzyn quraıdy. Al Qazaqstanda qaı­tys bolatyndardyń 80 paıyzy qaterli isik, as qorytý, tynys alý jáne júrek-qantamyr júıe­si aýrýyna shaldyqqandar kórinedi. Bul derekter Astanada durys jáne qaýipsiz tamaqtaný mádenıetin qalyptastyrý máse­le­leri talqylanǵan dóńgelek ústelde aıtyldy. 

Jıyn­da sóz alǵan Qoǵamdyq den­­­­­saý­­­lyq saqtaý ulttyq orta­­ly­­ǵynyń dırektory Ýálı­han Ahme­tov ekonomıkalyq yn­ty­­­­­maq­­tastyq jáne damý uıy­my el­­deriniń álemdik tájirıbede mo­ı­yn­­dalǵan Dúnıejúzilik densaýlyq saq­­­taý uıymynyń durys tamaqtaný máse­le­le­ri jónin­degi usynys­ta­ry­­na, Qazaq­­standaǵy aǵymdaǵy jaǵdaı­ǵa jáne durys tamaqtaný saıasatyn qamtamasyz etý bo­ıynsha mindet­ter­ge jan-jaqty toqtal­dy.

DDSU-nyń ınfeksııalyq emes aýrýlardyń aldyn alý jáne oǵan qarsy kúres jónin­de­gi Eýro­­palyq keńse­si­niń basshysy, tamaq­taný, dene belsen­diligi jáne se­mizdik jónin­de­gi baǵdar­la­­­manyń mened­jeri Joao Breda DDSU-nyń, ult­tyq ınstıtýt­tar men qoǵamdyq den­saý­­lyq saqtaý sala­syn­­daǵy qaýym­das­tyq­­tar­dyń ózara is-qımyly týra­ly aı­typ berdi. Sheteldik maman tuz­­dyń mólsherin aıqyndap, tu­ty­­ný qaptamasyndaǵy tań­ba­laý­­ǵa tamaq ónimderiniń erekshe belgilerin engizýdi usynyp otyr. Bul elimizde durys jáne qaýipsiz tamaqtaný mádenıetin qa­­­­lyp­­tastyrýǵa múmkindik ber­­­­­mek. «Birinshiden, tuzdyń mól­­she­­rin kúnine 5 gramǵa deıin azaı­­tý kerek. 5 gramm degenińiz jar­­ty qasyqqa jeter-jetpes. Úı­­de tuz­dy múmkindiginshe paı­­da­­lanbaǵan abzal. Ekin­shi­­­­den, je­mis-jıdekter men kókó­nis­ter­di jıi tutyný qajet. Iаǵnı, kúni boıy jemis-jıdekter men kó­kó­nis­terden turatyn 5 túrli ta­ǵam jeý óte mańyzdy. Úshin­shi­den, qant­ty az tutyný, gaz­­dal­ǵan jáne tát­ti sýsyndar ón­di­ri­si­ne qantty az qosý», deı­di ol. 

Qoǵamdyq densaýlyq saq­taý ulttyq ortalyǵy DDSU Eýro­pa­­lyq keńsesi bir­lesip ótkizgen dóń­gelek ús­tel­ge qatysýshylar, sony­men qatar tamaq ónimderine jáne aýyz sýǵa, tıimdi jáne du­rys tamaq­tanbaýǵa baılanys­ty aýrý­lar­dyń taralý deń­ge­­ıin tómen­detý, tamaqtaný, ta­maq ónim­de­riniń qaýipsizdigi sala­­syn­da jáne qoǵamdyq den­saý­lyq saqtaý sa­lasynda ǵylymı zert­teýler júr­gizý sııaqty máselelerdi talqylady. 

 Maıgúl SULTAN,

«Egemen Qazaqstan»