Jıynda sóz sóılegen Premer-Mınıstr A. Mamın Úkimettiń jańa quramyna júktelip otyrǵan mindetterdi tanystyrdy.
«Memleket basshysy bizge úlken senim artyp otyr. Bul - úlken jaýapkershilik. Sol senimdi aqtaýymyz kerek. Úkimettiń jańa quramy nátıjelerge baǵdar alǵan naqty ister Úkimetine aınalýy tıis. Memleket basshysy elimizdiń áleýmettik jáne ekonomıkalyq damýyn jańa sapaly deńgeıge shyǵarý, halyqtyń tabysy men turmysy deńgeıin arttyrý, tıimdi jańa jumys oryndaryn qurý, shaǵyn jáne orta bıznesti damytý boıynsha birneshe mindetter júktep otyr. Osyndaı naqty sharalardyń nátıjesinde halyqtyń ál-aýqatyn jaqsarta alamyz», dedi Premer-Mınıstr.
Sodan keıin A.Mamın Úkimettiń quramyna jańadan engen mınıstrlerdi ant berýge shaqyrdy. Atap aıtar bolsaq, Bilim jáne ǵylym mınıstri Kúlásh Shamshıdınova, Indýstrııa jáne ınfraqurylymdyq damý mınıstri Roman Sklıar, Aýyl sharýashylyǵy mınıstri Saparhan Omarov, Ulttyq ekonomıka mınıstri Rýslan Dálenov ant berdi.
