«Atmosferalyq frontaldy bólikterdiń ótýine baılanysty respýblıkanyń basym bóliginde turaqsyz aýa raıy sıpaty kútiledi, keı jerlerde jaýyn-shashyndy. Tek respýblıkanyń ońtústik-shyǵysynda ǵana jaýyn-shashyn bolmaıdy. Respýblıka boıynsha keı jerlerde tuman, kóktaıǵaq, burqasyn, jeldiń kúsheıýi saqtalady» dep habarlady sınoptıkter.
Astanada qubylmaly bultty, túnde qar jaýady, kúndiz jaýyn-shashyndy (kóbine qar jaýady), keıde jaıaý burqasyn soǵady, kúndiz kóktaıǵaq, ońtústik-batystan 9-14 m/s jel turady. Aýa temperatýrasy túnde -11-13, kúndiz 0-2.
Almatyda qubylmaly bultty, jaýyn-shashynsyz. 0-5 m/s jel turady. Aýa temperatýrasy túnde -1-3, kúndiz +8+10.
Shymkentte jańbyr aralas qar jaýady, 5-15 m/s jel turady. Aýa temperatýrasy kúndiz +10+12, túnde 0+2.
Aqmola oblysynda keı jerlerde burqasyn soǵady, kúndiz kóktaıǵaq, 18 m/s jel turady.
Batys Qazaqstan oblysynda keı jerlerde burqasyn soǵady, kóktaıǵaq, tuman, 15-20 m/s jel turady. Aýa temperatýrasy kúndiz -2-7 jáne túnde -11-16.
Qostanaı oblysynda keı jerlerde burqasyn soǵady, tuman, 15-20 m/s jel turady. Kúndiz -5-10, túnde -15-20 (ońtústiginde -8-13).
Qyzylorda oblysynda kúndiz azdaǵan qar aralas jańbyr jaýady, túnde keı jerlerde qalyń qar jaýýy múmkin, keı jerlerde tuman kútiledi, kóktaıǵaq, kúndiz 15-20 m/s jel turady. Kúndiz -3+2, túnde -2-7.
Jambyl oblysynda kúndiz azdaǵan qar aralas jańbyr jaýady, keı jerlerde tuman túsedi, 15-20 m/s jel turady. Kúndiz +7+12, túnde -3+2.
Aqtóbe oblysynda keı jerlerde qar jaýady, túnde keı jerlerde tuman kútiledi. Kúndiz -5-10, túnde -13-18.
Almaty oblysynda túnde keı jerlerde tuman, Jalańashkól aýdanynda 15-20 m/s jel turady. Kúndiz +6+11, túnde 0-5.
Túrkistan oblysynda kúndiz keı jerlerde azdaǵan qar aralas jańbyr jaýady, keı jerlerde tuman túsedi, 15-20 m/s jel turady. Aýa temperatýrasy kúndiz +8+13, túnde 0+5.
Shyǵys Qazaqstan oblysynda tuman túsedi, keı jerlerde 15-20 m/s jel turady. Kúndiz -2+3, túnde -13-18.
Qaraǵandy oblysynda jaıaý burqasyn soǵady, keı jerlerde 15-20 m/s jel turady. Kúndiz 0-5, túnde -11-16.
Pavlodar oblysynda keı jerlerde burqasyn soǵady, kúndiz 18 m/s jel turady. Kúndiz -1-6, túnde -15-20.
Soltústik Qazaqstan oblysynda keı jerlerde tuman túsedi, kúndiz jaıaý burqasyn soǵady. Aýa temperatýrasy kúndiz -5-10, túnde -15-20.
Atyraý oblysynda kúndiz qar jaýady, túnde keı jerlerde qar jaýady, keı jerlerde tuman, kóktaıǵaq. Kúndiz -2+3, túnde -5-10.
Mańǵystaý oblysynda keı jerlerde qar jaýady, keı jerlerde tuman túsedi, kóktaıǵaq. Kúndiz +2+7, túnde -2+3.
«Aldaǵy táýlikte respýblıkanyń ońtústigi men ońtústik-shyǵysynda, shyǵysy men batysynda aýa temperatýrasynyń kóterilýine baılanysty qardyń erýi jáne qar sýynyń qalyptasýy, muz qatý qubylystarynyń álsireýi múmkin» dedi sınoptıkter.
