- Búginde memlekettik qyzmetshiler men vedomstvolyq baǵynysty uıymdar basshylarynyń aldynda óz jumys stılin qaıta qarastyryp, memleket pen qoǵam arasyndaǵy alshaqtyqty joıý mindeti tur. Osyǵan oraı, oblystaǵy bilim mekemelerine arnaıy monıtorıng jasadyq. Nátıjesinde 740 mektep dıektorlary kabınetin zerdeledi. Jalpy oblys boıynsha aýdan, qalalardaǵy mektep dırektorlarynyń kabınetterinen jalpy kólemi 1500 sharshy metr normadan asyp tur. Artyq kólemdi 174 mektep dırektorynyń kabıneti kezdesti, - dedi Memlekettik qyzmetter basqarmasynyń basshysy Jeńis Andabekov.
Al Memlekettik qyzmet isteri jáne sybaılas jemqorlyqqa qarsy is-qımyl agenttiktiń Almaty oblysy boıynsha departamenti óz tarapynan joǵarydaǵy mektep basshylaryna reglamentke sáıkes jumys kabınetine ornalasýdy jáne sonymen qatar, basshynyń azamattarǵa qol jetimdiligin arttyrýdy jáne mekteptegi qarbalas kezinde jaǵdaıdy baqylaýǵa múmkindik beretindigin eskerip, mektep dırektorlaryna mekteptiń birinshi qabattarynda ornalasýdy usynýda.
Qalmahanbet MUQAMETQALI,
«Egemen Qazaqstan»
Almaty oblysy
