Qazaqstan • 26 Aqpan, 2019

Eldiń ál-aýqatyn kóterýdi kózdeıdi

283 retkórsetildi

«Nur Otan» partııasynyń qoǵamdaǵy orny qandaı deıtin bolsaq, qurylǵaly bergi ýaqyttyń ishinde partııa elimizdegi árbir jetistikke ózindik úlesin qosty dep aıtýǵa bolady. Sonymen qatar basqarýshy partııa táýelsiz elimizdiń búginine de, erteńine de jaýap beretin kúrdeli qurylym.

Búgingi tańda elimizde par­tııa­nyń 1 mıllıonnan astam mú­shesi bar. Bul degenińiz úl­ken kúsh. Partııa qurylǵaly ber­gi ýaqyttyń ishinde elimizde eleý­li ózgerister oryn aldy. Alaı­da, máselesiz qoǵam bolýy múm­kin emes. Bul oraıda «Nur Otan» partııasy halyqtyń ta­lap-tilegine de qulaq asyp, ár­bir máseleniń oń sheshilýine at­sa­lysyp keledi. Partııa árbir kezeń­de óz baǵdarlamasyn qa­by­l­dap, onyń oryndalýyna jo­­ǵary deńgeıde mán berip otyr. Taıaýda Elbasynyń qa­ty­sýy­­men Astana qalasynda óte­­tin partııanyń sezinde bas par­tııa 2030 jylǵa deıingi óz baǵ­dar­lamasyn qabyldaıdy. Bul elimiz úshin jaýapty kezeń. Al partııa jarǵysyna ózgerister men tolyqtyrýlar engizýdegi bas­ty maqsat – Elbasy Jol­daýyn­da aıtylǵandaı, azamat­tar­dyń ál-aýqatyn arttyrý. Qazirgi kezde elimizde Elbasy Joldaýynda aıtylǵan jalaqy kólemin arttyrý, turǵyn úı, jastar máselesi sııaqty basym baǵyttar júzege asyp keledi. Tek qana jetken jetistikpen ómir súrmeı, ári qaraı da úl­ken maqsat kerek. Sapaly túr­de ózgerý qajet. Áli de bol­sa el ishinde sheshilmegen máse­le­ler bar. Mine, «Nur Otan» par­tııasynyń jarǵysyna ózgerister men tolyqtyrýlar engi­zý­men birge túrli másele­lerdiń de sheshimi tabylady.

Búgingi tańda «Qazfosfat» jaýap­kershiligi shekteýli serik­tes­tiginde 6200 adam jumys is­teı­tin bolsa, onyń 2163-i «Nur Otan» partııasynyń músheleri. Bir qýantarlyǵy, bulardyń kóbi jastar. Bizge qarasty zaýyt­­tarda da partııanyń bas­taýysh uıymdary bar. Uıym­dar­dyń jumysy da óndiriske úlken úles qosýda. О́zim de «Nur Otan» partııasy Saıası keńe­siniń múshesi retinde qoǵam­dyq jumystarǵa aralasamyn. El­basynyń Joldaýynda aıtyl­ǵan­daı, biz de eńbek ónimdiligin jáne óndiris kólemin jyl saıyn 20 paıyzǵa arttyryp otyrmyz. Máselen, ótken jyly kásip­orynda 112 mıllıard teń­geniń ónimi óndirilse, bul kór­set­kishti bıyl 130-140 mıllıon teńgege jetkizýdi josparlap otyrmyz. Bul arqyly da ha­lyq­tyń ál-aýqaty artyp, áleý­mettik jaǵdaıy jaqsara túsedi.

Muqash ESKENDIROV,

«Nur Otan» partııasy Saıası keńesiniń múshesi, «Qazfosfat» JShS bas dırektory, Qazaqstannyń Eńbek Eri

Jambyl oblysy

Sońǵy jańalyqtar

Ystyq tamaq taratty

Qazaqstan • Búgin, 17:59

Jaqsy ákim jalǵyz júredi

Tanym • Búgin, 17:02

Betperde kıgen kóktem

Tanym • Búgin, 16:55

Uqsas jańalyqtar