Bir ǵana Túrkistan óńirinde partııany qoldaıtyn mıllıondaǵan azamat eńbek etýde. Saıası uıymnyń búgingideı bıik dárejege jetýine óz múmkindigime qaraı úles qosyp kelemin. 2003-2006 jyldary partııanyń Ońtústik Qazaqstan oblysy fılıalyn basqardym. Osy jyldary ár eldi mekende, iri mekemelerde bastaýysh partııa uıymdaryn ashyp, múshelikke laıyqty azamattardy tarttyq. Sol úsh jylda partııa músheleriniń sanyn 700 myńǵa jetkizgen edik. Al qazirgi tańda Túrkistan oblysynda partııanyń 255 bastaýysh uıymy, mıllıonǵa jýyq múshesi bar. Alǵashqy qurylǵan kúnnen beri partııa halyqpen birge barlyq syndardan, qıyndyqtardan ótip, osyndaı beleske kóterilip otyr. Elbasy N.Nazarbaev óziniń bir sózinde «Nur Otan» partııasy úlken, naǵyz saıası kúsh retinde halyqty, halyqtyń kúsh-jigerin «Qazaqstan-2050» Strategııasynda aıtylǵan úlken maqsattarǵa jetý úshin biriktirý kerek ekenin aıtqan bolatyn, ıaǵnı saıası uıymnyń aldyndaǵy basty maqsat – Memleket basshysynyń, memlekettiń saıasatyn halyqqa jetkizý, nasıhattaý, halyqtyń kúsh-jigerin bir arnaǵa toǵystyrý, bir múddege biriktirý. Jáne osy jyldarda partııa jumysy negizgi mindetterdi oryndaý baǵytynda ashyqtyq, jaýapkershilik, nátıjelilik, eseptilik qaǵıdalarymen júrgizilip keledi. Eń bastysy, halyqtyń senimi men qoldaýy aıqyn seziledi. О́ıtkeni berilgen barlyq ýádeler árdaıym oryndalýda, nátıjeli jumystar turaqty túrde atqarylýda. Partııany halyqqa jaqyn ete túsken jobalar da óz jemisin berýde. Mysaly, jergilikti jerlerdegi qoǵamdyq qabyldaý bólimderi turǵyndarmen tyǵyz baılanysta jumys istedi. Árbir azamat ózin mazalap júrgen nemese jeke ómirinde týyndaǵan máseleler boıynsha qoǵamdyq qabyldaý bólimderiniń kómegine júgine aldy. Onda tıisti sala basshylarymen, quqyq qorǵaý organdary ókilderimen, Parlament depýtattarymen kezdesýge, óz máselesin aıtýǵa múmkindik jasaldy. Qoǵamdyq bólimde kóterilgen máseleler zańdy sheshimin taýyp jatty. Iаǵnı, saıası uıym halyqpen jumys isteýdiń naqty úlgisin kórsetti. Jastar saıasaty, az qamtylǵan otbasylar, jumyspen qamtý, baspana syndy áleýmettik máseleler saıası uıymnyń nazarynan tys qalǵan emes.
Osy jyldary halqymyzdyń senimine ıe bolǵan, jaqsy bastamalardyń jarshysy bola bilgen partııa ýaqytsha týyndaǵan qıyn kezeńderde de turǵyndardyń janynan tabyla aldy. Búginde nurotandyqtar Elbasy Nursultan Nazarbaevtyń árbir Joldaýlary men Ult josparyn, «Máńgilik el» ulttyq ıdeıasyn, «Bolashaqqa baǵdar: rýhanı jańǵyrý», «Prezıdenttiń bes áleýmettik bastamasy», «Uly dalanyń jeti qyry» atty bastamalarynan týyndaıtyn mindetterdi oryndaý jolynda úlken jumys atqaryp keledi. Elimizdiń negizgi qundylyqtary memlekettik táýelsizdigimiz, kelisimi men aýyzbirshiligi, tatýlyǵy, memleket ekonomıkasy men eldiń áleýmettik áleýetiniń jaqsarýy deıtin bolsaq, onda sol beıbitshiligimiz ben tatýlyǵymyzdy saqtap, nyǵaıtýǵa atsalysyp júrgen saıası uıymdardyń biregeıi – «Nur Otan» partııasy.
Shalataı MYRZAHMETOV,
«Nur Otan» partııasy Túrkistan oblystyq fılıaly Saıası keńesiniń múshesi
