- Bıylǵy qar mólsheri ótken jyldarmen salystyrǵanda edáýir kóp. «Qazgıdromed» mekemesiniń aqparatyna sáıkes aldaǵy ýaqytta taǵy da qar jaýady, kelesi aptadan bastap aýa temperatýrasynyń joǵarylaýy boljanýda. Sol sebepti qalany qardan tazartý jumystardy budan ári kúsheıtip, qala turǵyndaryna birlesip jumys jasaý týraly túsindirme jumystaryn jandandyrý qajet, - dedi B.Azbaev
Budan soń Ǵ.Qarash kóshesi boıyndaǵy aryqtardy tazartý jumystary tekseriildi. Bul jerde erigen qar sýlarynyń ótkizý júıesin tekserdi.
- Kommýnaldyq qyzmetter táýliktik júmys tártibine kóshirilgen. Bıznes sýbektileriniń barlyq tehnıkalary qar shyǵarý jumystaryna tartylǵan. Turǵyndarǵa aýlalardy qardan tazalaý týraly jadynamalar taratylyp, túsindirme jumystary júrgizilýde. Búgingi kúnge shahardan 800 myń tekshe metrge jýyq qar shyǵaryldy. Respýblıka boıynsha shyǵarylǵan qar kóleminiń úshten biri bizdiń oblysymyzǵa kelse, tórtten biri qala úlesine tıesili ,– dedi qala ákimi Murat Muqaev.
Sonymen qatar Esqalıev kóshesinde ornalasqan kópqabatty úılerdiń shatyrlary men aýlalaryn qardan tazartý júmystary tıisti deńgeıde júrmeı jatyrǵandyǵy anyqtalyp, páter ıeleri kooperatıvine aıyppul salý týraly jergilikti polısııa qyzmetine tapsyrma berildi.
