Jańa tarıfterge qatysty pikir bildirgen ol, «keshe poshta jáshiginen túbirtekti aldym. Elektr energııasy boıynsha tarıf 15,32 teńge bolsa, qazir 13,89 teńge, ıaǵnı tómendeý 10 paıyzdy qurady. Bul Astana boıynsha málimet. Jylý berý 3 097 teńge bolsa, 2 788 teńge deńgeıinde qalyptasty. Jalpy, 10 paıyzdyq tómendeý baıqalady. Eger de osyndaı ózgerister sezilmese, onda tikeleı maǵan kelýlerińizdi surar edim. Sáıkesinshe, osy máseleni ózimniń baqylaýyma alamyn» dedi vedomstvo basshysy Úkimet otrysynan keıin tilshiler saýalyna jaýap bere otyryp.
Onyń sózine qaraǵanda, mınıstrlik tarıfterge qatysty qala men oblystar boıynsha aqparatty keńinen jarııalaıtyn bolady. Osy oraıda árbir adam monopolıst málimdegen tarıfti úıge kelgen tólem túbirtegimen salystyra alady.
«Tarıfterge qatysty kemshilikter bolsa, mindetti túrde shaǵymdaný kerek. Bul máseleni jeke baqylaýyma alamyn. Turǵyndar ózgeristerdi sezinýi tıis» dedi Rýslan Dálenov.
