«Nur Otan» partııasynyń XVIII Sezi qarsańynda Prezıdent janyndaǵy Memlekettik basqarý akademııasynda partııanyń 2030 jylǵa deıingi baǵdarlamasynda jáne Elbasy Joldaýynda aıtylǵan tapsyrmalardy iske asyrý aıasynda «Jańa úlgidegi memlekettik apparatty qalyptastyrý jáne memlekettik qyzmetterdi avtomattandyrý» taqyrybyna arnalǵan paneldik sessııa bastaldy.
Jıyndy Májilis depýtaty, partııanyń «Qazaqstan 2021: Birlik. Turaqtylyq. Jasampazdyq» Saılaýaldy baǵdarlamasynyń «Memlekettik qyzmet kórsetý» baǵyty boıynsha partııalyq kýratory Maıra Aısına ashty.
Jıynda Aqmola, Jambyl jáne Batys Qazaqstan oblystarynan kelgen delegattar erteń Memleket basshysynyń qatysýymen ótetin «Nur Otan» partııasynyń HVIII seziniń kún tártibine shyǵarylatyn, partııanyń 2030 jylǵa deıingi jańa partııalyq baǵdarlamasynyń «Azamattardyń múddesi úshin memlekettiń tıimdiligin arttyrý» maqsatynyń turǵysynda memlekettik qyzmet pen memlekettik qyzmet kórsetýdi reformalaý men jańǵyrtýdyń ózekti máselelerin talqylaıdy.
