Úzdikter tiziminde birden 11 satyǵa joǵarlaǵan jerlesimiz qazirgi kezde ATR reıtınginde 39 orynda tur. Buryn-sońdy ol dál osyndaı bıikke kóterilgen joq edi. Osyǵan deıingi Mıhaıl Kýkýshkınniń eń jaqsy kórsetkishi - 46 oryn. Qazaqstandyq tennısshi bul nátıjege osydan tórt jyl buryn qol jetkizdi.
О́kinishke qaraı, ózge jigitterimiz óreli ónerlerimen óz jankúıerlerin qýanta almaı júr. Elimizdiń ekinshi jáne úshinshi raketkalary Aleksandr Býblık pen Aleksandr Nedovesov bul tizimide 153 jáne 191 oryndardy ıelenýde. Al áıelder reıtınginde Iýlııa Pýtınseva men Zarına Dıas «TOP-100» oıynshynyń sanatynda. Iýlııa 46 orynda tursa, Zarına 96 satyǵa jaıǵasty. Qazaqstannyń úshinshi raktekasy Elena Rybakına 193 oryndy enshileýde.
Kóshbasshylarǵa keler bolsaq, WTA tiziminde japonııalyq Naomı Osaka, rýmynııalyq Sımona Halep jáne chehııalyq Petra Kvıtova aldyǵy lekten kórinse, ATR reıtınginde serbııalyq Novak Djokovıch, ıspanııalyq Rafael Nadal jáne germanııalyq Aleksandr Zverevtiń tegeýirini qatty.
Ǵalym SÚLEIMEN,
«Egemen Qazaqstan»
