«Rahat» AQ úshin 2018 jyl da kezekti tabys jyly boldy. Kompanııanyń barlyq negizgi kórsetkishteri boıynsha oń serpin baıqaldy – túsimi, tabystylyǵy jáne naryqtaǵy úlesi ulǵaıdy. Ásirese, shokoladtar sanaty asa jaqsy nátıje kórsetti.
«Rahat» AQ Basqarma Tóraǵasy Fedores Konstantın: «Kompanııa úshin ótken jyl asa mańyzdy boldy, sebebi biz barlyq sanattardaǵy ónimderimizdiń dástúrli sapasy, qyrkúıek aıynda ashylǵan jańa shokolad óndirisi jelisi, sonymen qatar bólshek saýdadaǵy amaldardy ózgertý esebinen turaqty ósý fazasyn saqtaı aldyq. Biz naryqtaǵy úrdisterdi qatań qadaǵalap otyramyz, basqa oıynshylardyń áreketteri men belsendiligin taldaımyz. 2019 jyly ósim qarqynyn ustanýǵa jáne básekelestik artyqshylyqtarymyzdy arttyra túsýge daıynbyz» dedi.
Sonymen 2017 jylmen salystyrǵanda, 2018 jyly kompanııanyń jalpy tabysy 4,8% ósken, kompanııa jyldy 59 171 mln. teńge túsimmen japty. Naryqtaǵy úlesi 2% ósip, negizgi sanattar boıynsha 20,5% kórsetkishine jetti.
Kompanııanyń tabysy da edáýir ulǵaıyp, ótken jylmen salystyrǵanda operasııalyq paıda kórsetkishi 9,1% ósip, 8 758 mln. teńgeni qurady.
Ásirese, shokolad tilimin ótkizý kórsetkishterin aıta ketý kerek. Jalpy sanat boıynsha tómendeý úrdisi qarqyn alyp kele jatqanda mundaǵy naryq úlesiniń jyldyq ósimi 6% qurady.Qazaqstandyq tutynýshylar jyldar boıy tekserilgen sapany tańdap, bizdiń shokoladty satyp alǵandy artyq kóredi, sóıtip, bizdi osy sanat boıynsha naryqtaǵy kóshbasshy ataǵyna jaqyndata túsedi.
Osy rette teńgemen kórsetilgen baǵasy 3% ósip, AQSh dollaryndaǵy baǵasy 4,3% tómendedi.
Sondaı-aq, ótken jyly kompanııa birneshe úlken jobany júzege asyrýǵa qol jetkizgen. 2018 jyldyń eń iri jobasy Almaty qalasyndaǵy fabrıkada jańa shokolad jelisi iske qosyldy. Bul kompanııaǵa maýsymnyń basynda ósken suranysty qanaǵattandyrýǵa múmkindik berdi.
Jáne Ońtústik Koreıadan kelgen PEPERO saýda belgisiniń jańa ónimderi sátti iske qosylǵanyn da aıta ketý kerek. Sońǵy jyl ishinde ımporttyq ónim eki ese ósim kórsetti.
Menshikti bólshek saýda oryndarynyń ekspansııasy jalǵasty – Almatyda, Astanada jáne Shymkentte 5 jańa dúken ashyldy.
Al eksport boıynsha ósim, negizinen, Kedendik Odaqtan tys elder esebinen 4,5% qurady. KO ishinde 2,2% tómendedi.
Áleýmettik jaýapkershilik pen moıyndalý turǵysynda sóz qozǵaıtyn bolsaq, 2018 jylǵy aqpan aıynda Máskeý qalasynda ótken «PRODEKSPO - 2018» azyq-túlik ónimderiniń 25-shi halyqaralyq kórmesinde «Úzdik ónim-2018» halyqaralyq baıqaýy aıasynda «Rahat» AQ ónimi 11 nomınasııada altyn medaldarǵa ıe boldy.
Fabrıka demeýshilik jáne qaıyrymdylyq isterimen aınalysyp, belsendi áleýmettik pozısııany ustanady. Kompanııa múmkindigi shekteýli balalarǵa, jetimderge jáne kúnkórisi tómen januıalardan shyqqan balalarǵa arnap túrli sporttyq, mádenı, merekelik sharalardy ótkizýde demeýshilik jasaıdy.
2018 jyly qazan aıynda demeýshilik jáne qaıyrymdylyq salasynda «Altyn júrek» syılyǵynanomınant dıplomyn ıelendi.
Aınash ESALI,
«Egemen Qazaqstan»
ALMATY
