Korol 50 metrge úsh jaıǵasym boıynsha nysana kózdeýden irikteý synynda 8-shi orynnan kórindi. Bul fınalǵa ótý úshin jetkilikti kórsetkish.
Aıta ketelik, álem kýbogi kezeńderinde nysana kózdeýden Olımpıada joldamalary sarapqa salynady. Ulttyq quramanyń bas bapkeri Olga Dovgýn komanda aldynda úsh lısenzııa utyp alý mindeti turǵanyn aıtqan bolatyn.
«Mergender Olımpıada joldamasyn álem kýbogi kezeńderi men Azııa chempıonatynda sarapqa salady. Atap aıtar bolsaq, bizdiń sportshylardy tórt birdeı álem kýbogi kezeńi kútip tur. Álemdik dodada ár jattyǵý túrinen eki olımpıadalyq kvota beriledi. Eger 1-2 oryndaǵy sportshylar joldamaǵa ıelik etken bolsa, kvota 3-4 satydaǵy mergenderge ótedi. Al Azııa chempıonatynda ár jattyǵýdan tórt kvota taratylatyny anyqtaldy. Olımpıadanyń úsh joldamasyn ıelensek degen maqsat qoıdyq», - deıdi bas bapker.
16-28 aqpan aralyǵynda ótetin álem kýbogi kezeńine tómendegi sportshylar qatysýda:
Vladımır Isachenko
Iýrıı Iýrkov
Aleksandra Malınovskaıa
Elızaveta Korol
Alekseı Kleımenov
Záýresh Baıbosynova.
