Bul oqıǵa 2018 jyldyń qyrkúıek aıynda Badamsha aýylyndaǵy «Aıgólek» balabaqshasynda bolǵanyn habarlaımyz. Oqıǵadan keıin tárbıeshi jumystan shyǵaryldy, balabaqsha meńgerýshisi tártiptik jazaǵa tartyldy.
Sonymen birge Aqtóbe oblysynyń ákimi Ońdasyn Orazalın bul máseleni erekshe baqylaýynda ustaýdy Polısııa departamentine tapsyrdy. Al Bilim basqarmasyna jáne aýdan ákimdikterine mundaı jaǵdaıdyń qaıtalanýyna jol bermeý úshin oblystyń barlyq mektep jáne mektepke deıingi mekemelerinde barlyq qajetti sharalardy qabyldaýǵa, tıisti aldyn alý jumystaryn júrgizýdi tapsyrdy.
Aqtóbe oblysynyń Polısııa departamentiniń habarlaýynsha, bolǵan oqıǵanyń barlyq mán-jaılaryn naqtylaý úshin QR Qylmystyq kodeksiniń «Kámeletke tolmaǵandardy tárbıeleý týraly mindettemesin oryndamaý» týraly 140-babynyń 2-bóligi boıynsha aldyn ala tergeý jumystary bastaldy.
