Jýyrda Shymkent qalasyna arnaıy issaparmen kelgen pavlodarlyq delegasııa qalalyqtarǵa óz usynystaryn aıtyp, teriskeı óńirge jumysqa shaqyrdy. 40 shaqty bos jumys ornyn usynyp otyrǵan pavlodarlyqtar 100-den asa otbasyn baspanamen qamtýǵa ázir ekendikterin aıtady. Ál-Farabı aýdany ákimdiginde jergilikti halyqpen kezdesken qonaqtar soltústikke qonys aýdarýǵa arnalǵan memlekettik baǵdarlamany egjeı-tegjeıli túsindirdi.
Sondaı-aq qonys aýdaratyn otbasyna bir rettik járdemaqy men baspanany jalǵa alý aqysymen qosa kommýnaldyq tólemderi de tólenetindigin jetkizdi. Bul ıgilikti is Nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan baǵdarlamasy aıasynda júzege asady.
О́tken jyly Shymkent qalasy jumyspen qamtý ortalyǵynyń mamandary ótinish bildirgen 81 otbasynyń Soltústik Qazaqstan, Qostanaı, Pavlodar, Shyǵys Qazaqstan oblystaryna qonys aýdarýyna yqpal etti. Osylaısha jumysqa qabiletti 300-ge jýyq turǵyn turaqty jumyspen qamtyldy, deıdi mamandar. Olar búginde túrli mamandyq boıynsha jumysqa ornalasyp, tipti jeke kásipterin de dóńgeletip otyr.
Qalalyq jumyspen qamtý ortalyǵy mamandary sondaı-aq qunarly soltústik óńirde tórt túlikti túletýge múmkindik mol ekendigin aıtady. Bıyl jyl sońyna deıin 54 otbasyn qamtyǵan taǵy 200-den asa turǵyndy atalǵan óńirlerge qonys aýdartý josparda bar.
Nurshat TО́KEN,
«Egemen Qazaqstan»
ShYMKENT
