Shetelde ómir súrip jatqan qazaqtardy qoldaý maqsatynda Elbasy Nursultan Nazarbaevtyń tapsyrmasymen qurylǵan «Otandastar» qory men elimizdiń jastaryn álemdegi eń úzdik joǵary oqý oryndarynda oqytý isimen aınalysyp kele jatqan Halyqaralyq baǵdarlamalar ortalyǵy birlesip, syrt memleketterde ómir súrip jatqan qazaq jastarynyń otandyq hám sheteldik joǵary oqý oryndarynda bilim alýyn qamtamasyz etý jaıynda yntymaqtastyq Memorandýmyna qol qoıdy.
Atalmysh sharany iske asyrý úshin jaqyn kúnderi «Otandastar» qory men Halyqaralyq baǵdarlamalar ortalyǵynyń ókilderi Mońǵolııa, О́zbekstan jáne Reseı elderine baryp, ondaǵy qandastarmen, dálirek aıtqanda mektep bitirýshi túlektermen kezdesip, joǵaryda qol qoıylǵan Memorandým jaıly tanystyryp, sheteldik qazaq jastarynyń bilim alýyna jol ashpaq.
«Keshikpeı arnaıy jumys toby 120 myńǵa jýyq qazaq turatyn Baıólke aımaǵyna attanady. Ol jerde shamamen bıyl myń jarym túlek mektep bitirip jatqan kórinedi. Iаǵnı, bular qazaq tilinde bilim alǵan qazaqstandyq oqý oryndaryna túse alatyn áleýetti jastar. Máselen, ótken jyly О́zbekstannan elimizge bilim alýǵa 12 myń stýdent jas kelse, onyń 5 myńǵa jýyǵy – etnostyq qazaqtar. Bulardyń bári qazir tegin bilim alyp jatyr. Mundaı baǵdarlamalar kóp. Biraq ta syrttaǵy qandastarymyzǵa durys aqpar jetpeı jatady. Sondyqtan biz aqparattandyrý baǵytynda jumys isteıtin bolamyz», deıdi «Otandastar» qory prezıdentiniń keńesshisi Dıdar Bolat.
Beken QAIRATULY,
«Egemen Qazaqstan»
