Jańa maýsym jobalary tanystyryldy

Basqarma tóraǵasynyń aıtýynsha, ulttyq arna bıylǵy kóktemgi telemaýsymyn Naý­ryz merekesine oraı bas­taý­dy josparlap otyr. Iаǵ­nı, «Naý­ryz-dýman» at­ty me­re­ke­lik jo­ba aıasynda týys­qan Túr­kııa, Qyr­ǵyzstan, О́z­bek­stan elderiniń jyl basyn toılaý dástúri jaıly sıý­jet­ter men arnaıy suhbattar uıym­dastyrylyp, «Qosh keldiń, áz Naýryz» atty halyqaralyq telekópir ornamaq.

Sonymen qatar 13 naýryz­dan bastap Ulttyq arna efı­rinde «Topyraqqa tamǵan ter» at­ty jańa telehıkaıa shyǵady. Tele­hıkaıada eńbek, týǵan jer, altyn besik – aýyl ómiri te­reńdeı kórinis tap­qan. Al 21 naýryzdan bastap «EQUUS. Jylqy tarıhy» trı­­logııasy kórermenge jol tar­­tady. Bul týyndy arqyly kó­rer­men­der jylqynyń adamzat ta­rıhyndaǵy róli, shyǵý tegi jaı­ly tyń oılarmen tanysa alady. 

Onyń syrtynda jańadan alty tyń joba qolǵa alynýda eken. Olar jastarǵa arnalǵan «Serpin» baǵdarlamasy, tyń saraptamalyq «Jahan-sarap» jobasy, qazaqtyń jańa oryndaýshylary men kompozıtorlaryn ta­nys­tyratyn «New qazaq wave» at­­ty tórt bólimdi kon­sert, son­­daı-aq «Beý» mýzy­kalyq tok-shoýy, «Kim bilgir?» ıntel­lek­týal­dyq jáne satı­ralyq «Ázil-mázir» jobasy. 

Buǵan efırden túspeı kele jatqan arnanyń turaqty baǵ­darlamalary jańa formatqa aýys­yp, jetile túspek eken. 

Ulttyq arnanyń quramyn­daǵy «Qazsport» Eýropa fýtbo­lynyń úzdik oıyndaryn tama­sha­latýmen qatar, naýryz aıynda Reseıdiń Krasnoıarsk qala­synda ótetin qysqy Ýnı­ver­sıadany, sáýirdiń 29-ynan mamyrdyń 5-i aralyǵynda Asta­nada ótetin hokkeıden ha­lyq­aralyq týrnırin tikeleı efırde kórsetpekshi.

Al «Balapan» arnasy ta­nym­­dyq, oıyn-saýyqtyq, otba­sylyq baǵdarlamalarmen to­lyqtyrylady. Ata-ana men ba­lanyń ara qatynasyn jaq­sartýǵa qurylǵan «Balamen suhbat» jáne baldyrǵandarǵa kóterińki kóńil-kúı syılaıtyn «Tańjaryq» oıyn-saýyq baǵdarlamasy, balanyń zeıinin damytýǵa múmkindik beretin «Kim tapqyr?» jobasy tikeleı efır­­de shyǵatyn bolady. 

Brıfıngte jýr­­nalıster es­tigen taǵy bir jańa­lyq – 29 maý­­­­sym kúni As­ta­nada ánshi Dı­mash Qudaıbergenniń «Ar­­naý» at­­­ty shy­ǵarmashylyq kon­ser­ti ótedi. Osy sharaǵa da da­­ıyn­dyq jumystary bas­talyp ket­­kenin habarlaǵan Er­lan Ty­­nym­baıuly: «Konsert «Qa­zaqstan» korporasııasynyń uıym­das­tyrýymen ótetindikten, dekorasııa eskızderi, tehnıkalyq jabdyqtaý jumystaryn qolǵa aldyq. Al shy­ǵarmashylyq ja­ǵynan aıta ketsem, ár nómir eks­klıý­zıvti bolady. Arnaıy ef­fek­tiler qoldanylady», dedi.

Beken QAIRATULY, 

«Egemen Qazaqstan»