Qazaq kúresinen almatylyq klýb federasııamen birlese otyryp, ulttyq kúresti damytý baǵdarlamasymen aınalysady. Ondaǵy maqsat – tól ónerimizdi buqaralyq sportqa aınaldyrý. Qazirgi kezde Almatynyń segiz aýdanyndaǵy mektepterde qazaq kúresi úıirmeler ashylyp, sol jerlerde balalar sporttyń bul túrimen tegin aınalysýda. Buny sportty damytýǵa baǵyttalǵan úlken qadam dep baǵalaǵan jón.
Jarystyń ashylý saltanatynda qatysýshylarǵa kezinde QazSSR, odan keıin Qazaqstannyń qazaq kúresi federasııasynyń prezıdenti bolǵan Erǵalı Muhıtdınov quttyqtaý sózin arnady. «Ulttyq kúresimizdiń qalyptasýyna eren eńbek sińirgen mamandardyń biri – meniń ustazym, elimizge eńbek sińirgen jattyqtyrýshy Petr Matýshak edi. Ol Dene shynyqtyrý ınstıtýtynda arnaıy úıirme ashty. Al klassıkalyq kúresten Olımpıada chempıony Jaqsylyq Úshkempirov óziniń sporttaǵy alǵashqy qadamyn qazaq kúresinen bastaǵan bolatyn», – dedi ardager balýan.
Almaty qalasy Bilim basqarmasynyń rýhanı-adamgershilik tárbıe jáne ózin-ózi taný bóliminiń bastaǵy Núrgúl Taý: «Sport otansúıgishtikke tárbıeleıdi. Sportpen shuǵyldanatyn balalar óz ýaqytyn aldyn-ala josparlaıdy. Olar jınaqy bolady, aldyna maqsat qoıady jáne de úlesimdi tulǵa retinde qalyptasady», – dep atap ótti.
Túrli jas jáne salmaq erekshelikteri boıynsha Araılym Ábenova, Sapýra Aspadyq, Móldir Azamat, Ersuljan Jorabek, Eldar Aqyljan, Ilııas Aqytaev, Ǵalymjan Raıbaev, Mıras Shákirov, Iskander Grıchık jáne taǵy basqa balýandar qala chempıony atandy.
Ǵalym SÚLEIMEN,
«Egemen Qazaqstan»
