Agenttiktiń qolaıly ınvestısııalyq ahýaldy qalyptastyrý men kásiperlik sýbektilerin qorǵaýǵa qatysty Agenttik qyzmetiniń jańa basymdyqtaryn basa aıtylǵan jıynda bıznes-kezdesý sheńberinde ınvestorlar men kásipkerler belsendilik tanytyp, sybaılas jemqorlyqqa qarsy qozǵalysty qoldaý qajettigi aıtyldy.
Oblys ákiminiń orynbasary Rýslan Sakeev óz kezeginde Mańǵystaý oblysynyń ákimdigi Agenttiktiń bıznesti sybaılas jemqorlyqqa qarsy súıemeldeý boıynsha bastamasyn qoldaıtyndyǵyn jáne ákimshilik kedergiler anyqtalǵan jaǵdaıda olardy azaıtý boıynsha ózara is-qımylǵa daıyn ekendikterin jetkizdi.
Jıynda kórneki quraldar arqyly «Protecting business and investments» jobasy tanystyryldy. Sonymen birge jobanyń maqsaty men mindetterine, joba sheńberinde kelip túsken ótinishterge jáne 2018 jyldyń qorytyndylary jarııa etildi.
«OMV Petrom S.A.» kompanııasynyń basqarýshy dırektory Dorın Barý óńirdegi munaı salasyn damytý perspektıvalary týraly aıta otyryp, sybaılas jemqorlyqqa qarsy súıemeldeý boıynsha joba sheńberinde ózara yntymaqtastyqqa daıyn ekendigin jetkizdi.
Kezdesý aýmaqtyq departament pen «OMV Petrom S.A.» munaı kompanııasy arasyndaǵy sybaılas jemqorlyqqa qarsy súıemeldeý boıynsha kelisimge qol qoıýmen aıaqtaldy.
Aıta ketý qajet, oblysta jalpy quny 1 trln 258 mlrd 610 mln 212 myń teńgeni quraıtyn 18 kompanııanyń jobalaryn sybaılas jemqorlyqqa qarsy súıemeldeý júzege asyrylýda.
Gúlaıym ShYNTEMIRQYZY,
«Egemen Qazagstan»
Mańǵystaý oblysy
