QR IIM TJK kúshimen qajetti mamandar men tehnıka sany jumyldyryldy, úıdiń barlyq turǵyndary tolyq kóshirildi. Úıindiler astynan 8 adam shyǵaryldy, onyń 2-ýi qaza tapqan. Zardap shekkenderdiń hali — ortasha aýyr.
Taraz qalasyndaǵy tótenshe jaǵdaı týraly QR Premer-Mınıstri A.U. Mamın shuǵyl túrde Qazaqstan Prezıdenti N.Á. Nazarbaevqa baıandady.
Memleket basshysynyń tapsyrmasy boıynsha QR Premer-Mınıstriniń orynbasary J. Qasymbektiń tóraǵalyǵymen úkimet komıssııasy quryldy. Komıssııa músheleri Taraz qalasyna oqıǵa ornyna ushyp ketti.
Apat bolǵan úıdiń turǵyndary osy úıge jaqyn mańdaǵy №47 mektepke ornalastyryldy, ystyq tamaqpen qamtyldy, ýaqytsha turýǵa qajetti jaǵdaılar jasaldy. Olarmen medısına qyzmetkerleri men psıhologtar jumys isteýde.
QR IIM TJK aldyn-ala málimeti boıynsha, jarylys gaz jabdyǵyn abaısyz paıdalanýdan oryn alǵan.
Jedel shtab quryldy, +7- 7262 - 513575 nómiri boıynsha jedel jeli jumys isteıdi.
