Aıtýly jarysta stýdentter, túrli kompanııalar, kásiporyndar, mekemeler jáne birqatar oqý oryndarynyń ókilderi baq synady. Barlyǵy – 32 komanda. Ár topta birinshi jáne ekinshi oryn alǵan ujymdar fınaldyq saıysta kúsh synasý qurmetine ıe boldy. Dál sol komandalar «Kóktem -2019» dep atalatyn Almaty qalasy men Almaty oblysynyń tuńǵysh chempıonatynyń joldamasyna ıelik etip otyr.
Qazaqtyń Sport jáne týrızm akademııasynda ótken aıtýly jarys úsh kúnge sozyldy. Oıynshylar tańerteńnen keshke deıin oıyn alańdarynda ter tókti. Aıtýly doda «JMI» klýbynyń jeńisimen aıaqtalsa, ekinshi jáne úshinshi oryndardy «L-CAPITAL» ujymy men QR UQK-niń Shekara qyzmeti komandasy oljalady. Endi voleıbol jankúıerleri kótemde qaıta qaýyshatyn bolady.
Ǵalym SÚLEIMEN,
«Egemen Qazaqstan»
