«Saparhan Kesikbaıuly, Parlamentte birlesip atqarǵan jumysyńyz úshin barlyq áriptester atynan alǵysymyzdy bildiremiz. Bizdiń Májiliste Agrarlyq máseleler komıtetin basqaryp, kóptegen mańyzdy zańdardy qabyldaýǵa zor úles qostyńyz. Endi Aýyl sharýashylyǵy mınıstri laýazymyna taǵaıyndaldyńyz. Osy óte jaýapty jumysta sizge zor tabystar tileımiz», - dedi Májilis tóraǵasy Nurlan Nyǵmatýlın.
Jalpy otyrys barysynda S. Omarovqa palata depýtattary atynan «Alǵys hat» tabystaldy.
О́z kezeginde mınıstr qyzmetine taǵaıyndalǵan Saparhan Kesikbaıuly úlken senim artqan Elbasyna alǵysyn aıtty.
«Sonymen qatar, meniń kandıdatýramdy qoldaǵandaryńyz úshin alǵys aıtamyn. Osy jerde úsh jylǵa jýyq birge jumys istedik. Zań shyǵarý isinde sizderden tájirıbe aldym. Aýyl sharýashylyǵyn damytý isinde sizdermen birlese jumys isteımiz dep senemin», - dedi S. Omarov depýttarǵa qarata aıtqan sózinde.
Budan buryn habarlanǵandaı, jaqynda Aýyl sharýashylyǵy mınıstri qyzmetine Saparhan Omarov taǵaıyndaldy.
Al 26 aqpanda ótken Úkimet otyrysynda jańa mınıstrler kabınetiniń quramynda S. Kesikbaıuly ant berdi.
