Jambyl oblystyq ákimdigi týrızm basqarmasynyń habarlaýynsha, fılmdi 2018 jyldyń qazan aıynda Tarazda ótken «ASPARA Fashion Week» halyqaralyq sán aptalyǵy kezinde FNL Network telearnasynyń dırektory Rokko Leo Galıotı túsirgen.
«Sán - tek kıim ǵana emes, ol bıznes ári týrızm. Meniń telearnamdy Amerıka, Kanada, Japonııa, Anglııa, Germanııa, Aýstrııada kórsetedi. Meniń telearna prezıdenti retindegi basty mindetim - el mádenıeti men modany búkil álemge pash etý», - degen bolatyn sol kezde Galıotı.
Jýyrda FNL Network halyqaralyq telearnasynyń dırektory Rokko Leo Galıotı Los-Andjeleste ótken American Testing Award saltanatty marapattaý rásiminde Tarazdyń kórikti oryndary týraly áńgimeleıtin fılmi úshin bas júldeni jeńip aldy.
Galıotıdiń aıtýynsha, ol Tarazdan góri Maldıv nemese Balı týraly túsirilgen fılmder bas júldeni alýy múmkin dep oılapty. Alaıda kórermender men qazylar alqasyn Qazaqstannyń ejelgi qalasyna ǵashyq ete alǵan fılm bárin basyp ozdy.
