Keshe Qorǵas aýylynda ornalasqan halyqaralyq shekara boıy yntymaqtastyǵy ortalyǵynyń aýmaǵynan Qazaqstanǵa qaraı shyǵar zalda shekara narıady 20 shólmek (10 lıtr) ıesiz alkogol ónimderin (vıskı) taýyp, «Altynkól» keden beketine tapsyrdy. Sonymen birge, ádettegideı, Qytaıda shyǵarylǵan taǵy 9 kg dári-dármek tabyldy.
Qordaılyq shekarashylar «Mersedes-bens» (sprınter) avtokóligimen elimizge kele jatqan 59 jastaǵy Qyrǵyz Respýblıkasynyń azamatynan 12 shólmek (18 lıtr) sharap, 38 jastaǵy qazaqstandyqtyń Folksvagen passat avtokóliginen 246,6 lıtr araq taýyp, aktilep, ýaqytsha saqtaý qoımasyna tapsyrdy. Bul azamattardyń isimen Qordaı aýdandyq Memlekettik kiris basqarmasynyń qyzmetkerleri aınalysatyn bolady.
