Bilim • 27 Aqpan, 2019

Soltústikqazaqstandyq balalardyń 50% jańartylǵan mektepterde oqıtyn bolady

436 ret

kórsetildi

1 mın

oqý úshin

Oblysty damytýǵa arnalǵan Keshendi jospardyń arqasynda osyǵan qol jetkizýge bolady. Bıyl 120 bilim oshaǵyn jóndeýge 5 mlrd teńge bólindi. Bul mektepterde oblystaǵy oqýshylardyń jartysy, ıaǵnı, 35 myń bala oqıdy. Sondaı-aq mektepterge bıyl 4 myń kompıýter satylynyp alynady.

Soltústikqazaqstandyq balalardyń 50% jańartylǵan mektepterde oqıtyn bolady

SQO ákimi Qumar Aqsaqalovtyń aıtýynsha, bıýdjetten bólinip jatqan qarajat qomaqty, sondyqtan tıisti baqylaý jumysyn júrgizý kerek. О́ńir basshysy bul jumysty júrgizýdi «Nur Otan» partııasynyń oblystyq fılıalyna usyndy.

«Nur Otan» partııasyna qoǵamdyq baqylaý júrgizýge shaqyramyn. Basqa aýdannyń depýtattary jóndelip jatqan mektepterge baryp, jumysqa baǵa bersin. Mysaly, mektepterge plastıkalyq áınekter ornatylady. Jylý shyǵynyn anyqtaıtyn arnaıy qurylǵylardyń kómegine súıensin. Biz bıýdjette mektepterdi kúrdeli jóndeýden ótkizýge kóp qarjy baǵyttadyq. Oqýshylar men ata-analar jóndeýden keıin aıyrmashylyqty seziný kerek. Oblystaǵy oqýshylardyń 50 paıyzy jańartylǵan mektepterde oqıtyn bolady» dedi Qumar Aqsaqalov oblystyq ákimdiktiń otyrysynda.