– О́z ýaqytyn zaman talabyna saı tıimdi ótkizý qarııalar úshin ǵana emes, eń aldymen keleshek urpaq úshin mańyzdy. Úlkenderimizdiń ulyq jasyn qadirleý barshamyzǵa paryz. Elimizdiń damýyna úles qosqan ár salanyń ardagerleri nemese zeınetke endi shyqqan ardagerlerimiz úshin «Dostyq úıinde» ashylǵan bul ortalyqqa kelýshilerdiń sany kóp bolady dep oılaımyz. Sondyqtan da, dúnıe tanymy tereń ardaqty aǵa-apalarymyz ben jas urpaq arasynda baılanys ornap, qarııalarymyzǵa degen qamqorlyǵymyzdy arttyrýdy, olardyń ómir sapasyn jaqsarta túsirýdi maqsat etken «Belsendi ómir ortalyǵynyń» ashylýy izgi bastama dep bilemin, – deıdi ortalyqqa únemi tilekshi bolyp júretin Májilis depýtaty Albert Raý.
Jańadan ashylǵan ortalyqta zeınetkerler kez kelgen ýaqytta bas qosyp, áńgime-dúken qura alady. Munda mádenı-rýhanı klýbtar, memlekettik, aǵylshyn tilin oqytý sabaqtary jáne kompıýterlik synyptar jumys isteıdi. Sondaı aq, kitaphana, shahmat oıyny, demalys, densaýlyq zaldary bar. Qolónermen shuǵyldanam deýshilerge shyǵarmashylyqty damytý ortalyǵy aptanyń kez-kelgen kúninde jumys isteıdi.
– Ortalyqtyń ashylýy – óte mańyzdy oqıǵa. Munda egde adamdar sergek júrip, ózin-ózi damytyp, qoǵamdyq paıdaly isterge qatysady. Bir ýaqyt qoǵamǵa óziniń kerek ekenin sezinip, jańashyldyqqa úırenedi. Shyǵarmashylyǵyn damytýǵa da úlken múmkindikter jasalǵan. Jalpy, «Dostyq úıi» barlyq etnostardyń jyly uıasy aınaldy, – deıdi QHA Analar keńesiniń múshesi Sálıma Nurmaǵambetova.
«Belsendi ómir ortalyǵyn» Qaraǵandy oblystyq Qazaqstan halqy Assambleıasy men «Nur Otan» partııasynyń oblystyq fılıaly birigip ashqan.
Qaırat ÁBILDA,
«Egemen Qazaqstan»
Qaraǵandy
