Qazaqstan • 27 Aqpan, 2019

Kúnshyǵys elinen qaıtarymsyz kómek

836 retkórsetildi

Búgin Japonııanyń Qazaqstandaǵy elshiliginde «Shóp tamyry» baǵdarlamasy boıynsha granttyq kelisimge qol qoıý rásimi ótti. «Shóp tamyry» - adam qaýipsizdigin qamtamasyz etý boıynsha áleýmettik jobalarǵa arnalǵan qaıtarymsyz kómek baǵdarlamasy.

Shara barysynda Japonııa elshisi Tasýhıko Kasaı «Shóp tamyry» baǵdarlamasynyń jergilikti halyqtyń ómir sapasyn jaqsartýǵa baǵattylǵan erekshe joba ekenin atap ótti. Baǵdarlama aıasynda  medısına ortalyqtaryna, ekologııalyq aımaqtarǵa, oqý oryndaryna, múmkindigi shekteýli jandarǵa, balalar úıine kómek kórsetý kózdelgen.

«Qazaqstan damýdyń jańa satysyna kóterilip keledi. Biraq, osy jolda túrli qıyndyqtar bolýy múmkin. Al bizdiń maqsatymyz – sizderge kómek qolyn sozý. Biz «Shóp tamyry» jobasyn qazaq jerinde 1997 jyldan bastadyq. Bıyl osy baǵdarlama boıynsha 8 jobaǵa 340 339 AQSh dollar bólemiz. Osy ýaqytqa deıin osyndaı 100 jobaǵa qoldaý kórsetilip, barlyǵy 6 770 027 AQSh dollary kóleminde qarajat bólindi. Qazaqstannyń damýyna úles qosyp jatqanymyzǵa erekshe qýanyshtymyz», dedi ol.

Qostanaı oblysyndaǵy múmkindigi shekteýli áıelderge arnalǵan «Úmit-Nadejda» qoǵamdyq birlestiginiń tóraǵasy Ulyqpan Dúısenǵalı bul grantty birneshe jyldan beri alyp kele jatqanyn aıtyp Japon elshiligine, japon halqy men úkimetine alǵys bildirdi.

Al joba boıynsha qarjylaı kómek alǵan «Baıtaq dala» qoǵamdyq birlestiginiń basshysy Gaýharbek Sátekeev «Ekologııalyq bilim berý mektebi» qurylyp, Aral kóliniń mańaıyn jasyldandyrý men orman otyrǵyzý jumystaryna jergilikti turǵyndar tartylatynyn aıtty.

Sonymen qatar «Shóp tamyry» jobasy 10 jyldan beri jóndeýden ótpegen oqý oryndaryna da qarjy bólgen.

О́skemen qalasyndaǵy Ahmer orta mektebiniń dırektory Aıgúl Qadyrova mektep terezeliriniń 1973 jyldan beri jańartylmaǵanyn, qazir terezelerdi ashyp-jabý múmkin emesin aıtty. Mekeme bólingen qarajatqa 129 jańa tezere alýdy josparlap otyr. Búginde bilim uıasynda 1257 shákirt bilim alýda.

Sonymen qatar Japonııa «Shóp tamyry» jobasy aıasynda Qostanaı oblysyndaǵy Qaraǵaıly orta mektebine, Semeı qalasyndaǵy mamandandyrylǵan balalar úıiniń kir jýatyn ornyna, Oral qalasyndaǵy Janǵala aýdandyq emhanasyna, Semeı qalasyndaǵy №3 nashar kóretin balalarǵa arnalǵan ınternatty medısınalyq jabdyqtarmen qamtamasyz etýge, Pavlodar oblysyndaǵy ókpe qabynýyna qarsy balalar sanatorıine jeldetý jabdyqtaryn alýǵa qarajat bólgen.

Nashar kóretin balalarǵa arnalǵan №3 mektep-ınternattyń  dırektory Akram Qalıǵojın Semeı qalasy kóp jyldan beri polıgonnan zardap shekken aımaq ekenin aıta otyryp, elshige ıadrolyq jarylys kezinde balasyn qorǵaǵan ana beınelengen sývıner syıǵa tartty.

Sharaǵa qatysqan Syrtqy ister mınıstrligi Syrtqy ekonomıkalyq saıasat departamentiniń keńesshisi Áset Mahmetov: «Qazaqstan úkimeti atynan Japonııa úkimetine alǵys bildiremiz. Sizderdiń áleýmettik jobalarǵa arnalǵan kómekterińiz densaýlyq saqtaý salasyna ǵana emes, basqa da salalardyń damýyna úlken kómek. Árıne, bul – mańyzdy jumys. Eki el arasyndaǵy qarym-qatynas baýyrmaldyqqa negizdelgen», dedi.

Saltanat ShYNÁDIL

EUÝ stýdenti

Sońǵy jańalyqtar

ShOB-ty qoldaý joldary túsindirildi

Ekonomıka • Búgin, 12:44

Almaty: Búginge deıin indet 90 adamnan tabyldy

Koronavırýs • Búgin, 12:19

Almatyǵa Qytaıdan gýmanıtarlyq kómek keldi

Koronavırýs • Búgin, 12:02

El ekologııaǵa alańdaıdy

Ekologııa • Búgin, 10:55

Jalǵan aqparat taratqandar jazalanady

Aımaqtar • Búgin, 10:42

Mańǵystaý oblysy karantınge jabylady

Aımaqtar • Búgin, 10:29

Muqtaj jandarǵa kómektesedi

Rýhanııat • Búgin, 08:10

Sabyr-shydamnyń synalar shaǵy...

Qoǵam • Búgin, 08:04

Senimimizdi nyǵaıtqan naqty qadam

Rýhanııat • Búgin, 08:02

Jastarǵa da qoldaý jasalady

Parlament • Búgin, 07:59

Toılarymyz alda!

Parlament • Búgin, 07:52

Uqsas jańalyqtar