27 Aqpan, 2019

Qaraǵandy oblysynda «Kóktem-2019» oqý-jattyǵýlary ótti

317 retkórsetildi

 

Qaraǵandy oblysynyń Abaı aýdanyndaǵy «Jartas» sý qoımasynda «Kóktem-2019» respýblıkalyq komandalyq-shtabtyq oqý-jattyǵýlary ótti. Aýqymdy sharaǵa 600-ge jýyq adam qatysyp, 200-ge taıaý tehnıka túrleri jumyldyryldy.

Oqý-jattyǵýlary ótken jer kezdeısoq tańdalǵan joq. Sebebi Abaı aýdany oblystaǵy kóktemgi tasqyn qaýpi joǵary aýdandardyń biri.

Shara barysynda jergilikti ákimdikterdiń, aýdandyq apattyq-qutqarý qyzmetteriniń daıyndyǵy tekserildi. Sonymen qatar sý qoımasyndaǵy gıdrotehnıkalyq qurylystardyń jaǵdaıyn baqylaýǵa alyndy.

– Oqý-jattyǵýlarda qutqarýshylardyń barlyq azamattyq qorǵanys qyzmetterimen ózara áreket etýi kezindegi aýyzbirligi synaldy, – deıdi Qaraǵandy oblysy boıynsha TJD bastyǵy Ybrahym Kúlshimbaev.

Tasqynǵa qarsy oqý-jattyǵýlar barysynda ózen arnalaryn, sý ótkizý qubyrlaryn tazartý, jaǵalaýdy bekitý jáne jarylys jasaý jumystaryna basa kóńil bólindi.

– Sońǵy málimetterge saı, Sherýbaı-Nura boıynda qazirgi tańda qar qory ortasha normadan tómen. Eger jaǵdaı týraly jalpy aıtar bolsaq, ózenniń bastaýynda qar kóbirek, ol aımaqqa shamamen 11 eldi meken jatady. Alaıda ol aımaqtardyń barlyǵynda sáıkesinshe tıisti jumystar júrgizildi. Kelesi aptadan bastap biz sý tasqyny qaýpi joǵary aýdandardy aralaı bastaımyz. Barlyq qajetti áreketterdi jergilikti jerlerde kórsetip, daıyndaıtyn bolamyz, – dep málimdedi oblys ákiminiń orynbasary Ermaǵanbet Bólekbaev.

Qazgıdromettiń aldyn ala boljamy boıynsha naýryzdyń ortasynan bastap kún jylı bastaıdy. 

– Aldaǵy kóktemgi sý tasqyny merzimi tótenshe jaıttarsyz ótedi dep úmittenemiz. Daıyndyq jaqsy, tehnıka bar, – deıdi Ermaǵanbet Bólekbaev.

Búginde Qaraǵandy oblysynda tasqynǵa qarsy daıyndyq ótkizý úshin arnaıy top qurylǵan. Onyń sapynda jeke quramnyń 6 myńnan  astam adamy jáne 2500-ge jýyq arnaıy tehnıka bar. 2018 jyly jol talǵamaıtyn kólik, órt sóndirý bólimsheleri úshin arnaıy kólikter, qaıyqtar sııaqty qosymsha tehnıkalar, sondaı-aq sý tasqynynyń saldaryn joıý úshin 106 saz sorǵyshtar alynǵan bolatyn.

Qaırat ÁBILDA,

«Egemen Qazaqstan»

Qaraǵandy

Sońǵy jańalyqtar

«Birgemiz» qoryna 13 mlrd teńge tústi

Qazaqstan • Búgin, 18:32

Koronavırýs Kókshetaýǵa da keldi

Koronavırýs • Búgin, 18:24

Kógildir ekranda – jańa melodramma

Rýhanııat • Búgin, 18:04

Salyq salmaq salmaıdy

Qarjy • Búgin, 17:50

MÁMS boıynsha jeńildik merzimi uzartyldy

Medısına • Búgin, 17:45

Betperde kıgen kóktem - 3

Tanym • Búgin, 17:30

Qazaq operatory Týrınde bas júlde aldy

Qazaqstan • Búgin, 17:29

Atyraý: Úsh adamnan koronavırýs tabyldy

Koronavırýs • Búgin, 17:18

Kóktem - órttiń órshıtin shaǵy

Aımaqtar • Búgin, 16:32

Indeksasııa qalaı júrgiziledi?

Qarjy • Búgin, 16:23

Uqsas jańalyqtar