«Búgin sizdermen atqarǵan sharýalardy qorytyndylap, bolashaqta atqarylatyn jumystarǵa toqtalamyn. Birinshi, elimizdiń jetistikterine toqtalyp óteıin. Biraq onyń barlyǵyn aıtyp ótý múmkin emes. Eń mańyzdysy, biz táýelsiz memleket qurdyq, dúnıejúzine tanyldyq. О́z elordamyzdy qalyptastyrdyq. Ekonomıkamyz aıtarlyqtaı ósti. Syrtqy saýda aınalymy 9 eseden astam ósti. Qazaqstanǵa shetelden 350 mıllıard dollarǵa jýyq tikeleı ınvestısııa tartyldy. Sol ınvestısııalar ekonomıkamyzdy kóterýge kómektesti. Azamattardyń kirisi 16 ese kóbeıdi. 141 mln-nan astam sharshy metr turǵyn úı salyndy. Búkil elimizde áleýmettik mańyzy bar ınfraqurylym nysandary boı kóterdi. 1400 zamanaýı aýrýhana men emhana jáne 2865 mektep, kolledjder, balabaqshalar ashyldy. Bul - buryn-sońdy bolmaǵan máseleler. Bunyń barlyǵy halqymyzdyń eren eńbeginiń nátıjesi. «Nur Otan» partııa músheleriniń de eńbegi bar» dedi Elbasy óz sózinde.
