2019 jyldan bastap olar toqsan saıyn onlaın-kassalyq apparattardy qoldanatyndardyń tizimin keńeıedi. Barlyǵy 633 qyzmet:
2019 jylǵy 1 sáýirden bastap 323 qyzmet túri;
2019 jylǵy 1 shildeden bastap 86 qyzmet túri;
2019 jylǵy 1 qazannan bastap 224 qyzmet túri.
Onlaın-KBM talaptary ortaq telekommýnıkasııa jelisi joq aımaqtarda jumys isteıtin salyq tóleýshilerge qoldanylmaıdy.
Salyq kodeksiniń 166-baby 1-tarmaǵyna sáıkes, Qazaqstan Respýblıkasynyń aýmaǵynda aqshalaı tólemder kassalyq – baqylaý mashınalaryn mindetti túrde paıdalaný arqyly júzege asyrylady.
Alaıda KBM-dy paıdalaný talaby kelesi azamattardyń qolma-qol aqshasyz tólemderinde qoldanylmaıdy:
1) jeke tulǵalar;
2) advokattar men medıatorlar;
3) jeke kásipkerler (aksızdeletin taýarlardy satatyndardan basqa):
4) qoǵamdyq kólikte qoǵamdyq kólikte jolaýshy tasıtyndar;
5) Qazaqstan Respýblıkasynyń Ulttyq Banki;
6) ekinshi deńgeıdegi bankter.
Onlaın-KBM júıesiniń artyqshylyqtary qandaı?
Eń aldymen kásipker óz bıznesin, onyń ishinde basqa qalalarda, syrtqa shyqpaı-aq basqara alady;
Jeke kabınet arqyly KBM-men jumys isteý boıynsha tolyq aqparatty birinshi chekten jáne birinshi Z-esepten bastap meńgerýge bolady;
- KBM úshin somany onlaın qaıtarǵan jaǵdaıda akt jasaý úshin salyq organdaryna júginýdiń qajeti joq, sebebi aqparat serverge avtomatty túrde beriledi;
- Basqa aparattarmen salystyrǵanda, KBM onlaın ádettegi nusqadan ózgeshe jasalynǵan.
2019 jyldyń 1 qańtarynan bastap, ashyq saýda bazarlarynyń aýmaǵynda stasıonarlyq emes saýda obektileri arqyly shaǵyn bıznes sýbektileri úshin arnaıy salyq rejımi sheńberinde qyzmetti júzege asyratyn tulǵalar KBM onlaın qoldanýǵa mindetti.
Onlaın KBM ornatpaǵan salyq tóleýshilerge 50 aılyq eseptik kórsetkishke deıin aıyppul salynýy múmkin. Búgingi tańda Astana qalasynda 13 ashyq bazar jáne 25 saýda ortalyqtary ornalasqan. Baıqońyr aýdanynda ornalasqan barlyq ashyq bazarlar men saýda ortalyqtaryndaǵy kásipkerlerdi onlaın KBM-ge ótkizý jumystary júrgizilip jatyr.
Aımahan Enbaev, Astana qalasy, Baıqońyr aýdany boıynsha Memlekettik kirister basqaramysy basshysynyń orynbasary
