Aýyldaǵy kónekóz qarııalardyń aıtýyna qaraǵanda, bul jer ejelden kıeli sanalady eken. Etegi jylqynyń qartasyndaı buıra-buıra bolyp jatqan Áýlıetastyń baýyryna tirshilikte taqsyret kórgen adamdar arnaıy kelip tilek tileıtin bolǵan. Tilegi qabyl bolǵandar áýlıe babanyń rýhy qoldap júr dep eseptegen.
Búginge deıin osy tóńirektegi jurt áldebir tylsym kúshtiń bar ekenine senedi. Osydan jeti jyl buryn Kókterek aýylynyń týmasy, belgili kásipker Jumaǵul Joldyqov Áýlıetastyń mańaıyn abattandyryp, eskertkish belgi qoıyp, perzenttik paryzyn ótedi. Qazirgi kúni bul jer elge rýh beretin, táý etetin qasıetti oryndardyń biri.
Baıqal BAIÁDIL,
«Egemen Qazaqstan»
Aqmola oblysy
