Qurmetti otandastar!
Qazaqstan Respýblıkasynyń Prezıdenti N.Á.Nazarbaevtyń «Nur Otan» partııasynyń XVIII sezinde sóılegen sózi damýdyń qazirgi kezeńinde el aldynda turǵan túıindi maqsattar men áleýmettik saıasattyń mindetterin aıqyndaıtyn strategııalyq mańyzdy baǵdarlamalyq qujat boldy.
Azamattardyń memleket tarapynan qoldaý kútken saýaldary Elbasynyń ózekti, áleýmettik baǵdarlanǵan tapsyrmalarynda ataýly jáne barynsha dál jaýaptaryn tapty.
Negizgi basymdyq – azamattardyń ómir súrý deńgeıin jáne Qazaqstannyń áleýmettik memleket retinde damýyn qamtamasyz etý.
Búginniń negizgi mindetteri – halyqtyń az qamtylǵan toptarynyń tabystaryn arttyrý jáne qoldaý, kirisi tómen azamattardyń turǵyn úı máselelerin sheshý, bilim berý jáne densaýlyq saqtaý salalaryn jaqsartý, óńirlerdi keshendi damytý.
Qazaqstandyq otbasylardyń ál-aýqat deńgeıin arttyrý boıynsha naqty qadamdar usynyldy. Negizinen kirisi tómen kóp balaly otbasylarǵa arnap 40 myńnan astam jalǵa beriletin páterler salynyp, nesıeleýdiń jeńildikti jańa tetigi ázirlenetin bolady.
Ár balaǵa beriletin eń tómengi tólem mólsheri 21 myń teńge shamasynda.
2019 jylǵy 1 shildeden bastap bıýdjet salasynyń tómen jalaqy alatyn qyzmetkerleriniń jalaqysy 30%-ǵa, al jergilikti atqarýshy organdardyń tómen deńgeıdegi qyzmetkerleriniń jalaqysy ortasha eseppen 25%-ǵa ulǵaıady.
Bilim berý jáne densaýlyq saqtaý salalaryn budan ári qaraı: oqý oryndarynyń tıimdiligin arttyrýdan bastap qoǵamdyq densaýlyq saqtaý jáne alǵashqy medısınalyq-sanıtarlyq kómek kórsetý qyzmetteriniń jumysyna shyǵatyn shyǵyndardy 40%-dan 60%-ǵa deıin ulǵaıtýdy jaqsartýdyń joldary belgilendi.
Prezıdent Úkimet pen óńirler ákimderi jumysynyń mańyzdy tustaryn atap kórsetti. Eldegi ómir súrýdiń jańartylǵan óńirlik standarttaryna negizdelgen Jańa kartasyn qalyptastyrýǵa tapsyrma berildi. Bolashaǵy bar selolyq eldi mekender ósý jáne ornyqty damý jolyndaǵy mekenderge aınalýǵa tıis.
Barlyq jobalardy iske asyrý úshin bıýdjetten jıyntyǵynda 2 trıllıon teńgeden astam qarjy bólinedi. Munyń shamamen 2 mıllıon adamǵa jáne 340 myń kóp balaly otbasyna áseri bolady.
Qazaqstan halqy Assambleıasy «Nur Otan» partııasymen birlesip, Memleket basshysynyń tapsyrmalarynyń oryndalýyna turaqty negizde qoǵamdyq baqylaý jasap keledi. Bul jumys Elbasynyń jańa áleýmettik baǵdarlamalaryna qatysty da jalǵasatyn bolady.
О́ıtkeni naq osy halyqtyń áleýmettik ál-aýqaty máseleleri ulttyq birlikpen tikeleı baılanysty. Olardyń negizinde – halyqtyń birlesýi, básekege qabiletti ekonomıka, zııatker qoǵam, álem qurmet tutatyn el degen ortaq mán jatyr.
Áleýmettik memlekettiń irgetasyn solar qalyptastyrady. Al bul memlekettiń eń negizgi muraty – ár qazaqstandyqtyń baqýatty bolýy.
Qurmetti qazaqstandyqtar!
Prezıdent usynǵan sharalar – elde júrgizilip jatqan áleýmettik jańǵyrtýdyń, Bes áleýmettik bastamany jáne «Qazaqstandyqtardyń ál-aýqatynyń ósýi: tabys pen turmys sapasyn arttyrý» Qazaqstan halqyna Joldaýyn iske asyrýdyń qısyndy jalǵasy.
Biz olar árkimniń júregin jylytyp, oń baǵa alatynyna senimdimiz. Bul mindetterdi iske asyrý búgin, naq osy jerde, tap qazir bastalady. Eldegi birligimiz ben kelisimimizdi saqtap, isimizge barynsha kóńil bólip, jaýapkershilikpen qaraǵan kezde ǵana olarǵa qol jetkize alamyz.
Biz barlyq qazaqstandyqtardy áleýmettik ádilettilik pen baqýatty memleket qurý maqsatyna qol jetkizý jolynda birligimizdi bekemdeı túsýge shaqyramyz!
Qazaqstan halqy Assambleıasynyń Keńesi
2019 jylǵy 27 aqpan
