Eń qıyny 25 ajyrasqan burynǵy erli-zaıyptynyń balalarynyń qaı jaqta qalatyndyǵy sot arqyly anyqtalǵan. Burynǵy jubaılar arasynda balamen kezdesýdi uıymdastyrý týraly 56 azamattyq is qaralypty.
Bul týraly Shymkent qalalyq kámeletke tolmaǵandardyń isi jónindegi mamandandyrylǵan aýdanaralyq sotynda aıtyldy.
«Ajyrasqan ata-analar balalarmen kezdesý ýaqytyn belgileý týraly aldymen bilim basqaramalaryna ótinish bildire alady. Bul satyda kelisimge kele almaǵan ata-nalar sotqa júginip, sot arqyly daýdy sheshýge týra keledi. Kámeletke tolmaǵandarǵa qatysty azamattyq isterdiń arasynda osy sanattaǵy ister azaımaı tur. Kóbinde ajyrasqan analar: Balanyń psıhıkasyna áser etedi degen sekildi ýájderdi alǵa tartyp, balanyń ákesimen kezdesý belgileýden bas tartyp jatady. Biz bitimgerlikke kelýge úndeımiz», deıdi Shymkent qalalyq kámeletke tolmaǵandardyń isi jónindegi mamandandyrylǵan aýdanaralyq soty tóraǵasynyń mindetin atqarýshy Ferýza Baltaeva.
Byltyr kámeletke tolmaǵandar isteri jónindegi sotqa 348 azamattyq talap aryz kelip túsken. 252 is aıaqtalyp, 165 sheshim shyqqan. Sonyń ishinde balalarrǵa jynystyq sıpattaǵy zorlyq áreketin jasaǵan eki azamat temir torǵa toǵytylǵan. Al kámeletke tolmaǵandardyń arasynda tonaý men urlyq qylmysy órship tur, deıdi sýdıalar.
Nurshat TО́KEN,
«Egemen Qazaqstan»
Shymkent
