Sondaı azamattardyń biri túrik etnosynyń ókili Turymbek Osmanov. aıtýly kúnde túbimiz bir túrki dep ata-babasyna pana bolǵan Aqylbek Ahmetbaı aqsaqaldyń otbasyna baryp, qazaq aǵaıyndarǵa rıasyz rızashylyǵyn jetkizdi.
Dál osy kúni shahardaǵy koreı, grek, ıran etnomádenı birlestikteri men «Yntymaq» etnosaralyq birlestiginiń jetekshileri de qamqorshyl otbasylarǵa dostyqtyń belgisi retinde arnaıy syılyqtar tartý etti.
«Solaqaı saıasattyń saldarynan bizdiń ata-babalarymyz 1944 jyly Grýzııanyń Ahysqa aımaǵynan qazaq jerine qonys aýdardy. 8 balasymen Shymkenttiń mańyndaǵy Qyzylsaı aýylyna tap bolǵan bizdiń babalarymyz ıaǵnı Osmanovtar áýletin sol kezde Ahmetbaı aqsaqal qabyldap, qorjyn tamynyń bir bólmesin usyndy. О́zderiniń basyndaǵy qıyn jaǵdaıǵa qaramastan bir úzim nanymen bólisip, ashtyqtan, aýrýdan tıtyqtaǵan halyqty aman alyp qaldy. Osyndaı meıirimdiligi úshin qazaq halqyna sheksiz rızashyǵymdy bilderemin», deıdi túrik azamaty.
Qarataý aýdanyna qarasty Qaıtpas shaǵynaýdanynda turatyn qos áýlettiń urpaqtary búginde birge týǵan baýyrlardaı ózara tyǵyz qarym-qatynasta ómir súredi.
Sondaı-aq, mereke aıasynda qalaldaǵy 16 etnomádenı birlestikterdiń tóraǵalary tar zamanda bir úzim nandy bólip bergen aqkóńil qazaq shańyraqtaryna baryp, qazaq halqynyń etnostarǵa jasaǵan jaqsylyǵyn eske aldy.
