Memorandým taraptardyń uzaq merzimdi ózara tıimdi áriptestigin nyǵaıtýǵa baǵyttalǵan, «Astana Garden School» jeke orta mektebin salý jobasyn júzege asyrýǵa jaǵdaı jasaıdy jáne odan ári yntymaqtastyqtyń negizgi aspektilerin aıqyndaıdy.
Memorandýmǵa qol qoıý rásimine Astana qalasynyń Investısııalar jáne kásipkerlikti damytý basqarmasynyń bastyǵy Álisher Ábdiqadyrov, Astana qalasynyń bilim basqarmasynyń bastyǵy Ánýar Janǵozın jáne «CA GARDEN SCHOOLS» JShS dırektory Bolat Nasyqyzy qatysty.
Bolat Nasyǵazydyń: «Búgingi tańda kompanııa jalpy quny 1,200 mlrd. teńge bolatyn 900 oryndyq orta mektepti salý boıynsha jobany júzege asyrýǵa daıyndalýda. Investısııalyq kelisimge QR SIM-niń ınvestısııalyq komıtetimen birlesip qol qoıylady», dedi.
1,8 ga bólingen jer telimi Astana qalasynyń Máńgilik El, 28 kóshesi, Álıhan Bókeıhan jáne Ýly Dala kósheleriniń alańynda ornalasqan.
Qurylystyń bastalýy 2020 jyldyń birinshi toqsanynda josparlanǵan. Mektep 2021 jyldyń qyrkúıeginde óz jumysyn bastaıdy.
Bolat Nasyǵazy sondaı-aq, osy jer ýchaskesinde kelesi bastaýysh mektep (primary school) 0-6 synyptar men orta mektep (secondary school) 7-9 synyptar úshin negizgi ǵımarat, 10-11 synyp oqýshylaryna arnalǵan orta mektep (high school), balabaqsha (kindergarten), 100 adamnan turatyn joǵary synyp oqýshylaryna arnalǵan jataqhana salynatyndyǵyn atap ótti.
