«Ákimshilik qyzmetshileriniń jalaqysyna qatysty aıtar bolsaq, atalǵan ósim 78 myń memlekettik qyzmetshige qatysty bolady. Olar - jergilikti jerde jumys isteıtin mamandar. Negizinen, sarapshylar, jetekshi mamandar jáne bas mamandar. Ortasha eseppen alǵanda jalaqy 25 paıyzǵa ósedi. Mysaly, eger bas mamannyń ortasha jalaqysy 84 myń teńgeni qurasa, endi ol 100 myń teńge boldy», dedi R.Dálenov Úkimettiń otyrysynda. Mınıstrdiń sózine qaraǵanda, ákimdik qyzmetkerleriniń jalaqysyn kóterýge qosymsha 76,5 mıllıard teńge qajet bolady. Sonyń ishinde 2019 jylda 15,3 mıllıard teńge kerek. Aıta keteıik, keshe «Nur Otan» partııasynyń XVIII sezinde Nursultan Nazarbaev ákimdik qyzmetkerleriniń jalaqysyn 25 paıyzǵa kóterýdi tapsyrdy.
