Sharaına
Seısenbi, 27 qarasha 2012 7:18
Katalonııa táýelsizdik ala ma?
25 qarasha kúni Katalonııada ótken saılaýda óńirdiń táýelsizdigi úshin kúrespek partııalar basym daýys alǵan. Bul jóninde «Frans-Press» agenttigi habarlady. Resmı málimetterge sáıkes, basymdyqty úkimettiń qazirgi tóraǵasy Artýr Mas basshylyq jasaıtyn «Konvergensııa jáne odaq» ulttyq koalısııasy saqtap qalǵan.
Seısenbi, 27 qarasha 2012 7:18
Katalonııa táýelsizdik ala ma?
25 qarasha kúni Katalonııada ótken saılaýda óńirdiń táýelsizdigi úshin kúrespek partııalar basym daýys alǵan. Bul jóninde «Frans-Press» agenttigi habarlady. Resmı málimetterge sáıkes, basymdyqty úkimettiń qazirgi tóraǵasy Artýr Mas basshylyq jasaıtyn «Konvergensııa jáne odaq» ulttyq koalısııasy saqtap qalǵan.
Bul koalısııa óńirlik parlamenttegi 135 orynnyń 50-ine ıe bolǵan. Ekinshi orynǵa Katalonııanyń separatıstik Solshyl respýblıkalyq partııasy kóterilgen. Ol óziniń mandatyn buǵan deıingi 10-nan 21-ge deıin kóbeıtken. Jalpy, Katalonııada sońǵy 20 jylda alǵash ret daýys berýge kelgen adamdardyń rekordy tirkelgen. О́ńir halqy kóp jyldardan beri táýelsizdikti qalaıdy.
Gaza sektory shyǵynyn esepteýde
Izraıldiń Gaza sektorynda júrgizgen operasııasynan kelgen shyǵyn 1,2 mıllıard dollardan asyp túsken. HAMAS qozǵalysynyń resmı ókili Taher ál-Nýnýdyń málimdeýinshe, bul soma tikeleı avıasoqqylardan kelgen shyǵyn retinde baǵalanǵan 545 mıllıon dollardan jáne 7 mıllıon dollarǵa baǵalanǵan tikeleı emes shyǵyndardan jınaqtalǵan.
Ál-Nýný sondaı-aq Izraıl áskerı-áýe kúshteriniń is-áreketiniń saldarynan 200 úı men 42 turǵyn emes qurylys tolyqtaı qıraǵanyn atap ótti. Bulardyń ishinde HAMAS úkimetiniń shtab-páteri de bar. Palestına dárigerleriniń derekterinshe, Izraıl avıasııasy shabýylynan 166 adam, onyń ishinde 43 sábı bar, qaza tapsa, 1235 adam jaralanǵan. Al Izraıl tarapynan 4 beıbit turǵyn men 2 áskerı qyzmetker kóz jumyp, taǵy 240 adam dene jaraqatyn alǵan.
Qaıtyp kelýin joqqa shyǵarmaıdy
Reseı Premer-mınıstri Dmıtrıı Medvedev 2018 jyly prezıdent laýazymyna qaıtyp kelýi yqtımal ekenin joqqa shyǵarmaıdy. Ol muny Le Figaro basy-
lymyna bergen suhbatynda málimdegen. D.Medvedevtiń sózine qaraǵanda, kóp nárse onyń densaýlyǵyna, sonymen qatar, basqa da faktorlarǵa táýeldi bolady.
Biraq deıdi ol, eshqashanda eshqashan dep aıtýǵa bolmaıdy. Onyń ústine men bul ózenge bir márte súńgip shyqqanmyn. Taǵy bir márte nege súńgimeske? Sondaı-aq, ol ózin Premer-mınıstr oryntaǵynda da tamasha sezinetinin atap kórsetken. Onyń sózine qaraǵanda, ózimen jumys isteýge jaıly bir adam bar bolsa, ol – Vladımır Pýtın. V.Pýtın men D.Medvedevtiń «kelisimi» boıynsha ekeýi laýazymdarymen almasqany belgili.
Tikushaq bazasyna baqylaý ornatty
Sırııa búlikshileri el astanasy – Damaskiden 15 shaqyrym jerde ornalasqan úkimet áskerleriniń tikushaq bazasyn basyp alyp, baqylaý ornatqandaryn málimdedi. Bul búlikshiler osy aıda basyp alǵan úkimettik áskerı-áýe kúshteriniń ekinshi bazasy bolyp tabylady.
Búlikshilerdiń sózderine qaraǵanda, Gazany basyp alý operasııasy barysynda eki tikushaq pen radıolokator qıratylyp, el prezıdenti Bashar Asad rejiminiń 15 jaqtasy tutqynǵa alynǵan. Sońǵy ýaqytta rejimge qarsy búlikshilerdiń kóptegen toby kúres júrgizip jatqany belgili. О́ıtkeni, qarasha aıynyń basynda olar óz is-qımyldaryn Asadqa qarsy úılestirý maqsatynda koalısııaǵa birigýge qol jetkizgen edi.
Saakashvılı Grýzııadan ketpeıdi
Grýzııa prezıdenti Mıhaıl Saakashvılı eldi tastap ketpeıtinin málimdedi. Mundaı málimdemeni ol 23 qarasha kúni Bagrata ǵıbadathanasyna barǵan kezinde jasady. Grýzııa qazir synaq kezeńin basynan keship otyr, sondyqtan men bul synaqty halyqpen birge bólisý nıetindemin, dedi ol.
Árıne, men óz halqymdy eshqaıda tastap ketpeımin. Biz problemalardy eńserip, elimizdi osy synaq kezeńinen shyǵaratyn bolamyz, dedi ol ári qaraı. Qazan aıyndaǵy parlamenttik saılaýda oppozısııalyq koalısııa jeńiske jetip, M.Saakashvılı basqaratyn partııa úkimet pen parlamenttiń qoldaýynan aıyrylǵany málim. Biraq ol aldaǵy jyldyń kúzinde ótetin prezıdenttik saılaýǵa deıin óz laýazymynda qala beredi.
Ehýd Barak saıasatpen qoshtaspaq
Izraıl qorǵanys mınıstri Ehýd Barak keshe Knessetke (parlamentke) saılaýdan soń óziniń karerasyn aıaqtap, saıasattan ketetinin málimdedi. Bul jóninde «Reıter» agenttigi habarlady. Biraq Barak jańa úkimet jasaqtalǵansha, óziniń oryntaǵynda qala beretinin, sóıtip, qorǵanys mınıstrligin basqarýdy jalǵastyratynyn atap kórsetti.
Mınıstr sheshiminiń sebebi, onyń «Táýelsizdik» partııasy, qoǵamdyq suraý salýlardyń nátıjesine sáıkes, Knessetke ótýge eshqandaı múmkindigi joqtyǵynda jatýy yqtımal. E.Barak 2007 jyldan beri qorǵanys mınıstri bolyp keledi. Ol bul qyzmetti 1999-2001 jyldar aralyǵynda da atqarǵan bolatyn. E.Barak ótken kezeńde basqa da túrli laýazymdarda bolǵan saıasatker. Izraıl parlamentin saılaý aldaǵy jyldyń 22 qańtarynda ótedi.
Qysqa qaıyryp aıtqanda:
Egıpet prezıdenti Mohammed Mýrsı óziniń ókilettigin keńeıtý týraly jarlyqtar ýaqytsha úderis bolyp tabylatynyn, mundaı keń ókilettilik oǵan qazir eldegi saıası turaqtylyqty qaıtarý úshin qajet ekenin málimdedi.
Jaqynda Reseı qorǵanys mınıstri bolyp taǵaıyndalǵan Sergeı Shoıgý ózimen buryn qyzmettes bolǵan 14 ofıser men generaldyń qorǵanys mınıstrligi apparatyna aýysatynyn habarlady. Olardyń barlyǵy buǵan deıin Tótenshe jaǵdaılar mınıstrliginde jumys istegen.
Ýkraınanyń astanasy – Kıev qalasynda ashtyq qurbandary eske alyndy. Sharaǵa shamamen 2 myńdaı adam qatysty. El prezıdenti Vıktor Iаnýkovıchtiń ustanymynsha, 30-shy jyldardaǵy ashtyq – Keńes Odaǵyna kirgen memleketterdiń ortaq qasireti.
Meksıkanyń soltústigindegi Chıýaýa shtatynda 19 adamnyń múrdesi tabyldy. Shamamen 20 men 30 jas aralyǵyndaǵy er adamdar osydan 2 jyl buryn esirtki kartelderi arasyndaǵy kúres kezinde óltirilse kerek. Olar 3 zıratqa bólip jerlenipti.
Internet materıaldary negizinde ázirlendi.
