Qazaqstan • 01 Naýryz, 2019

Qazaqstan Islam yntymaqtastyǵy uıymymen jumysty keńeıtýdi jalǵastyrýda

383 retkórsetildi

Abý-Dabıde Islam yntymaqtastyǵy uıymy (IYU) Syrtqy ister mınıstrleri keńesiniń 46-sessııasy jumysyn bastap, oǵan Syrtqy ister mınıstri Beıbit Atamqulov bastaǵan Qazaqstan delegasııasy qatysýda dep habarlaıdy SIM baspasóz qyzmeti.

Forýmnyń qarsańynda Qazaqstan SIM basshysy IYU Bas hatshysy Iýsef ál-Oseımınmen kelissózder ótkizdi. Kezdesý barysynda taraptar ıslam álemindegi saıası jáne ekonomıkalyq ómirdiń eń ózekti máseleleri boıynsha ustanymdaryn teńestirdi. Álemdik turaqtylyqty saqtaýǵa, ekonomıkalyq jáne gýmanıtarlyq baılanystardy keńeıtýge baǵyttalǵan Qazaqstan Prezıdenti Nursultan Nazarbaevtyń bastamalaryn júzege asyrýǵa asa kóńil bólindi.

IYU Bas hatshysy Qazaqstan jáne onyń kóshbasshysynyń Uıymnyń qyzmetin qoldaýdaǵy, múshe memleketterdiń arasyndaǵy senim men ózara qarym-qatynas atmosferasyn nyǵaıtýdaǵy rólin joǵary baǵalady. IYU qyzmetinde 2016 jyly Qazaqstan men Túrkııa Prezıdentteri usynǵan Islamdyq tatýlasý bastamasyn iske asyrý máselesi erekshe oryn alady. Bul konsepsııa IYU-ǵa múshe elder arasynda túrli kelispeýshilikterdi retteý úshin keń jáne ıkemdi platforma qurýdy kózdeıdi. Osyǵan baılanysty taraptar osy baǵyttaǵy birlesken jumystyń naqty sharalar kesheni boıynsha kelisti.

2019 jyly Astanada Azyq-túlik qaýipsizdik jónindegi ıslam uıymy Bas assambleıasynyń ekinshi otyrysy ótedi. Bul uıymdy qurý bastamashysy retinde Elbasy N.Nazarbaev bolyp tabylady. Qysqa merzim ishinde bul qoǵamdastyqqa Qazaqstan IYU elderiniń azyq-túlik haby jáne agroónerkásiptik saıasatty josparlaý ortalyǵy bola alady dep sanaıtyn 32 memleket qosyldy.

IYU Hatshylyǵy men Islam damý banki (IDB) Qazaqstan jáne basqa eldermen birlesip, bizdiń «Islamdyq ınfraqurylymdyq yqpaldastyq» atty bastamamyzdyń is júzinde iske asyrylýy boıynsha jumys júrgizip keledi. Osy maqsatta IDB «Kólik-geografııalyq aqparattyq júıeni» ázirlep, bul Azııa, Taıaý Shyǵys jáne Afrıkanyń arasyndaǵy kólik dálizderiniń qazirgi jaǵdaıyn jáne biriktirý joldaryn taldaýǵa múmkindik beredi. Budan basqa, bastama IYU memleketteri arasynda taýarlar men ınvestısııalar aǵynyn jeńildetý jaǵdaıyn jasaýdy kózdeıdi.

2017 jyly Astana «IYU-nyń 2026 jylǵa deıingi Ǵylym, tehnologııa jáne ınnovasııany damytý jónindegi baǵdarlamasy» qabyldanǵan IYU-nyń Ǵylym jáne tehnologııalar jónindegi birinshi Sammıtin ótkizdi. Budan basqa, Qazaqstannyń usynysy boıynsha ǵylym men tehnologııa salasynda 15 jetekshi musylman elderiniń dıalog alańyn qurý boıynsha jumys júrgizilýde. Mınıstrler kezdesýi barysynda qazaqstandyq dıplomat Asqar Mýsınov IYU-nyń Ǵylym jáne tehnologııa jónindegi Bas hatshysynyń orynbasary laýazymyna resmı túrde kirisedi.

IYU Bas hatshysymen kelissózderdiń mańyzdy bóligi Uıymdy reformalaý taqyryby boldy. Mınıstr B.Atamqulov IYU-nyń tez ózgeretin álem talaptaryna sáıkes kelý úshin ózgerister sózsiz qajet ekendigin atap ótti. BUU-dan keıingi ekinshi iri halyqaralyq uıym bolyp tabylatyn IYU-nyń tıimdiligin arttyrý múshe memleketterdiń de, búkil halyqaralyq qoǵamdastyqtyń da múddelerine qyzmet etedi.

Syrtqy ister mınıstri IYU Bas hatshysy Iý. ál-Oseımındi ústimizdegi jylǵy 16-17 mamyrda ótetin XII Astana ekonomıkalyq forýmyna shaqyrdy. Forým jumysyna IYU elderiniń iri ınvestorlary da qatysatynyna úmit bildirdi.

Sońǵy jańalyqtar

Býmerang

Rýhanııat • Búgin, 05:54

Qorǵaýshylarǵa da qoldaý qajet

Aımaqtar • Búgin, 05:46

Toıdyń sońy topyrlaǵan syrqat

Aımaqtar • Búgin, 05:43

Aqırekte – Arystan bab...

Tanym • Búgin, 05:38

Kıeli kitaptar: tyıymdar ne úshin jasalady?

Rýhanııat • Búgin, 05:34

Toqyma ónerkásibine tyń serpin kerek

Ekonomıka • Búgin, 05:22

Medısına ǵylymyn damytýǵa ne kedergi?

Medısına • Búgin, 05:15

Teatrdyń onlaın tartýy

Rýhanııat • Keshe

Úı janýarynan vırýs juǵa ma?

Koronavırýs • Keshe

Uqsas jańalyqtar