Basylym aqparyna sáıkes, Poltoranınmen birge taǵy eki aýstrııalyq shańǵyshy da moıyndaǵan. Tergeýden keıin olar úılerine jiberildi.
Eske salsaq, 27 aqpanda Aýstrııa quqyq qorǵaý organynyń qyzmetkerleri Germanııa prokýratýra qyzmetkerlerimen birge halyqaralyq dopıngtik jelige qarsy operasııa ótkizdi, sonyń aıasynda Zefeldte shańǵy sporty boıynsha chempıonatta birneshe qurama komandalarǵa jeti tintý jumystaryn júrgizip, dopıngke qarsy zańnamany buzǵan degen kúdikpen Aýstrııa quramasynyń eki sportshysyn, Qazaqstannyń bir sportshysyn, Estonııanyń eki sportshysyn ustady. Keıin belgili bolǵandaı, ustalǵan qazaqstandyq Alekseı Poltoranın bolyp shyqty.
Tergeý aqparynsha, kommersııalyq sporttyq alaıaqtyq jáne tıym salynǵan preparattar men dopıng tásilderin paıdalanǵan degen kúdikpen Germanııada sport dárigeri, dáriger S.Markpen baılanysty qylmystyq top anyqtaldy. Aýstrııalyq quqyqqorǵaýshylar qylmyskerlerdiń Erfýrt qalasynda áreket etkenderin jáne birneshe jyl boıy sportshylarǵa dopıng usynyp kelgenderin málimdedi.
Shańǵy sporty boıynsha álem chempıonaty Zefeldte 20 aqpannan 3 naýryz aralyǵynda ótip jatyr.
