Bul is-shara 2018 jylǵy qazandaǵy Elbasy Nursultan Nazarbaevtyń Fınlıandııa Respýblıkasyna resmı saparynyń is júzindegi jalǵasy.
Dóńgelek ústel jumysyna Fınlıandııanyń Syrtqy saýda jáne damý mınıstri Anna-Marı Vırolaınen, QR Syrtqy ister mınıstriniń orynbasary Ermek Kósherbaev, sondaı-aq eki eldiń isker toptarynyń 40-tan astam ókilderi qatysty.
Syrtqy saıasat vedomstvosy basshysynyń orynbasary E. Kósherbaev otyrysty ashyp, ınvestısııalardy tartý mehanızmi, ınvestısııalyq klımat, sheteldik ınvestorlarǵa arnalǵan salyqtyq jeńildikter týraly aıtty.
«Elbasy ınvestısııalardy tartý máselesine jeke nazar aýdarady, búgingi kúni Qazaqstanda ınvestorlarǵa barlyq jaǵdaı jasalyp, ınvestısııalyq klımatty jetildirý boıynsha jumystar udaıy túrde júrgizilýde. 2018 jylǵy jeltoqsan aıynda ınvestısııalardy tartý fýnksııasy bizdiń mınıstirlikke júkteldi. Qazirgi kezde «sheteldik kásiporyndar-ortalyq-aımaq» formatynda keshendi ekojúıeni qalyptastyrý jumystary bastaldy», - dedi E. Kósherbaev.
Is-shara barysynda «Kazakh Invest» UQ» AQ, «Kazakh Export» Eksporttyq saqtandyrý kompanııasy» AQ, «KaukoInternational», «Finnish Water Forum», «AINS», «Nurminen Logistics» sekildi kompanııalardyń jetekshileri óz tanystyrylymdaryn usyndy.
Eki el arasyndaǵy taýar aınalymy 2018 jyly shamamen 247 mıllıon AQSh dollardy qurady. О́tken jyly Qazaqstannan Fınlıandııaǵa 115,7 mln. dollarǵa taýar eksporttalǵan. Negizgi eksporttyq ónimder - shıki munaı, kómir, kómir shıkizatyn aıyrý ónimderi, qozǵaltqyshtar men kúshtik stansııalary, júk mashınalary, jer jumystaryna arnalǵan mashınalary jáne jol-qurylys tehnıkasy.
Qazaqstanǵa Fınlıandııadan 2018 jyly ımport kólemi 131,6 mln. AQSh dollaryn qurady. Negizgi taýarlar: munaı ónimderi, qaǵaz, dári-dármek pen sýtek peroksıdi.
Shara nátıjesinde «TÚKSh jańǵyrtý qazaqstandyq ortalyǵy» AQ, «TEJǴZO tıptik jáne eksperımentaldy jobalaý ǵylymı-zertteý ınstıtýty» JShS jáne «AINS Group» arasyndaǵy memorandýmǵa qosymsha úshjaqty kelisimge qol qoıý rásimi ótkizildi.
Fınlıandııa Soltústik Eýropa men Eýro Odaqtaǵy Qazaqstannyń negizgi áriptesteriniń biri bolyp tabylady. Eki el arasyndaǵy qarym-qatynastar saıası dıalogtyń joǵary dınamıkasymen, ekonomıkalyq jáne ınvestısııalyq yntymaqtastyqty odan ári keńeıtý úshin úlken áleýetimen sıpattalady.
