Aqtóbedegi ortalyq sport kesheninde ótken birinshilikke Atyraý, Aqtaý jáne Aqtóbe oblystarynyń áskerıleri qatysty. Balýandarǵa 80 kelige deıin jáne 80 keliden joǵary eki salmaq dárejesinde baq synasýǵa týra keldi. Saıys qorytyndysy boıynsha, kelisimshart boıynsha áskerı qyzmetshi Muratbek Aekeshov «Ásker barysy» ataǵynyń jeńimpazy atandy. Al jeńil salmaqta, merzimdi áskerı qyzmettegi sarbaz, qatardaǵy jaýynger Tursyn Baızaq jeńimpaz atandy. Ekeýi de Aqtóbedegi 30238 áskerı bóliminiń jaýyngerleri.
Jalpy komandalyq esepte Aqtóbe komandasy birinshi oryndy, Atyraý ekinshi, al úshinshi oryndy Aqtaý komandasy jeńip aldy. Irikteý saıysynyń jeńimpazdary aǵymdaǵy jylǵy naýryzdyń 15-i men 17-i aralyǵynda Semeı qalasynda ótetin «Ásker barysy» ataǵyn ıe bolý quqyǵyna arnalǵan, QR Qarýly Kúshteriniń chempıonatyna qatysady.
Qazaqstan armııasynda dene daıarlyǵy men sport jaýyngerlik daıarlyqtyń negizi bolyp tabylatynyn aıta ketý qajet. Ofıserler men kelisimshart boıynsha áskerı qyzmetshiler udaıy negizde prezıdenttik testiler, aı saıyn dene daıarlyǵy boıynsha normatıvter tapsyrady. Al jyl sońynda qorytyndy tekseriste ózderiniń kórsetkishterin rastaıdy.
Gúlaıym ShYNTEMIRQYZY,
«Egemen Qazagstan»
Mańǵystaý oblysy
