Aımaqtar • 01 Naýryz, 2019

Jumyssyz jastarǵa jaqsy múmkindik

763 ret

kórsetildi

1 mın

oqý úshin

Halyqtyń áleýmettik jaǵynan osal toptaryna qoldaý kórsetýge jáne jastardyń qoǵam ómirine belsendi aralasýyna múmkindik beretin jańa joba Atyraýda bastaý aldy. «Zhas project» dep atalatyn joba aıasynda jumyssyz júrgen, kóp balaly, az qamtylǵan otbasylardan shyqqan jastar grant alyp, kásip asha alady.

- Áleýmettik jobaǵa 4-29 jas aralyǵyndaǵy jastar qatysady. 3-5 adamnan turatyn toptar qurylyp, joba daıyndaıdy jáne iske asyrýǵa jumystanady. Ol úshin alty aı ýaqyt beriledi jáne ár topqa keńes beretin, kómek kórsetiletin jetekshiler taǵaıyndalady, - deıdi jobany úılestirý agenttiginiń ókili Alena Baıanbekova.

Bilim jáne ǵylym mınıstrligi men Halyqaralyq qaıta qurý jáne damý bankiniń birlesip uıymdastyryp otyrǵan bul sharasy jastar korpýsyn damytýdy maqsat etedi. Qanatqaqty joba engiziletin óńirlerdiń qatarynda Atyraý da bar. Endi munaıly aımaqtaǵy jastar bastamada baqtaryn synaı alady.

- Jobany júzege asyrý baǵytyna shek qoıylmaıdy, áleýmettik mańyzdylyǵy boıynsha baǵalanady. Joba qatysýshylary aı saıyn stıpendııamen qamtamasyz etiledi, al úzdik dep tanylǵan jumysqa 1 mln teńge kóleminde grant qarastyrylǵan, - deıdi oblystyq jastar saıasaty máseleleri jónindegi basqarmanyń basshysy Rollan Quspan.

Baqytgúl BABASh,

«Egemen Qazaqstan»

ATYRAÝ