- Bizdiń basqarma Qazaqstannyń tilderdi damytý men qoldanýdyń 2011-2019 jyldarǵa arnalǵan memlekettik baǵdarlamasyn, Elbasynyń qazaq jazýyn latyn grafıkasyna kezeń-kezeńimen kóshirý tapsyrmasyn atqarýda. Elimizdiń til saıasatyndaǵy atqarylǵan isterdi qoǵamǵa jetkizetin – buqaralyq aqparat quraldary ǵoı. Búgin medıaholdıngpen ekijaqty yntymaqtastyq memorandýmyna qol qoıyp otyrmyz, - deıdi Batys Qazaqstan oblystyq tilderdi damytý basqarmasynyń basshysy Aıgúl Myńbaeva.
Aıta keteıik, «Jaıyq Press» JShS – Batys Qazaqstan oblysyndaǵy eki oblystyq, 12 aýdandyq gazettiń basyn qosqan iri medıaholdıng. Jaqynda ǵana seriktestik quramyndaǵy «Jaıyq Press» aqparat ortalyǵy óz aldyna aqparat agenttigi bolyp resmı tirkeýden ótti.
- О́z oıymda, jýrnalıster keminde bir shet tilin jetik meńgerýi tıis. Árıne, óńirdegi tilshilerdiń báriniń birdeı «Bolashaqpen» oqyp kelýge múmkindigi joq. Degenmen, elde júrip-aq til úırenýge bolmaıdy dep kim aıtypty? Sondyqtan jergilikti tilderdi damytý basqarmasymen kelisilgen ýaǵdalastyq boıynsha «Jaıyq Press» jýrnalısteri aǵylshyn tili kýrsyn tegin oqýǵa múmkindik alyp otyr. «English for Media» jobasy aıasynda medıaseriktestiktiń 45 qyzmetkeri 4 aı boıy bilikti mamandardan tálim alady, - deıdi «Jaıyq Press» JShS bas dırektory Raýan Sábıtuly.
Medıaholdıng basshysynyń aıtýynsha, til kýrsynyń úzdik shákirtterine sertıfıkattan bólek, shetelge shyǵý múmkindikteri qarastyrylmaq.
Qazbek QUTTYMURATULY,
«Egemen Qazaqstan»
Sýretti túsirgen Temirbolat TOQMÁMBETOV
Batys Qazaqstan
