Á. Smaıylov Memleket basshysynyń alǵa qoıǵan tapsyrmalaryn ýaqytyly oryndaý maqsatynda Qarjy mınıstrligi múddeli memlekettik organdarmen birlesip, halyqtyń tabys pen turmys sapasyn jaqsartýǵa baǵyttalǵan bastamalar boıynsha aldyn ala esepteýler júrgizdi.
Esepteýlerge sáıkes úsh jylǵa qosymsha qajettilik 2 trln teńgeni, onyń ishinde 2019 jyly 446,7 mlrd teńgeni quraıdy. Qarajattyń basym bóligi jekelegen sanattaǵy azamattardy áleýmettik qoldaýdy kúsheıtýge baǵyttalatyn bolady. Bul — úsh jylǵa shamamen 1,3 trln teńge jáne 2019 jyly — 226,7 mlrd teńge.
Sonymen qatar, Á. Smaıylov azamattardyń jekelegen sanattaryn turǵyn úımen qamtamasyz etýge jyl saıyn 100 mlrd teńgeden 300 mlrd teńge qosymsha qarajat qajet bolady.
Premer-Mınıstrdiń orynbasary – Qarjy mınıstriniń aıtýynsha, óńirlik ınfraqurylymdy damytýǵa erekshe kóńil bólinedi. Osylaısha, respýblıkalyq bıýdjetten 2019–2021 jyldar ishinde 320,9 mlrd teńge, onyń ishinde 2019 jyly — 90 mlrd teńge qosymsha baǵyttaý josparlanyp otyr. Jergilikiti bıýdjetterden jobalardy qosa qarjylandyrý úshin 101,1 mlrd teńge, onyń ishinde 2019 jyly — 32 mlrd teńge bólý talap etiledi.
«Aýyl – el besigi» perspektıvalyq aýyldardy damytý jónindegi arnaıy jobany iske asyrýǵa qosymsha 90 mlrd teńge, onyń ishinde 2019 jyly — 30 mlrd teńge bólinedi. Is-sharalarmen 163 aýdan, 1500 aýyl qamtylady.
Halyqtyń turmys sapasyn jaqsartý jónindegi tapsyrmalardy qarjylyq qamtamasyz etý maqsatynda kedendik ákimshilendirýdi jetildirý sharalary qabyldanady, bul bıýdjettiń kiris bóligine úsh jyl ishinde 800 mlrd teńge somasynda qosymsha kiris tartýǵa múmkindik beredi.
«Buǵan qosa, Memleket basshysynyń tapsyrmasy boıynsha Ulttyq qordan qarajat tartylady. Prezıdenttiń barlyq bastamalary tolyq kólemde qarjylandyrylady. Respýblıkalyq bıýdjetti naqtylaý týraly zań jobasyn jaqyn arada usynamyz», — dep túıindedi Á. Smaıylov.
