Kezekti jumada Shymkent qalasy boıynsha ókil ımam Baqtybaı qajy Beısenbaev Alla úıine jınalǵan jamaǵatqa urpaq tárbıesi haqynda ýaǵyz aıtty.
«Dinı turǵyda da áke – óz balalary úshin aqyrette Allanyń aldynda esep bermek. Sonda qazir alıment tólemeı qashyp júrgen ákeler bul dúnıede zań aldynda, al aqyrette Allanyń aldynda jaýapty bolmaq. Árbir ata-anaǵa balalary amanat bolyp sanalady», dedi ókil ımam.
Din ókili alıment tóleýden jaltaryp júrgen boryshker ákelerge týǵan balasyna qamqorlyq tanytý qajet ekendigin jáne balalarymyzǵa durys tálim-tárbıe berýde osaldyq tanytpaýdy shaqyrdy.
Qazirgi tańda Shymkent qalalyq prokýratýrasymen birlesken jumystar aıasynda 80 meshitte arnaıy túsindirý jumystary júrgizilip, oǵan 85-ten astam jamaǵat qatysty.
Nurshat TО́KEN,
«Egemen Qazaqstan»
Shymkent
