Tehnologııa • 01 Naýryz, 2019

Jastardyń erteńgi kúnge senimi zor

399 retkórsetildi

Oblys ákimi Málik Myrzalın óńir jastarymen kezdesip, olardyń búgingi jaı-kúıi týraly áńgimelesti.

Taǵylymdy sharaǵa Kókshetaý qalasynan jáne oblystyń ár óńirinen jınalǵan belsendi jastary qatysty. Kezdesýde alǵash bolyp sóz alǵan oblys basshysy Málik Myrzalın jastardy árdaıym qoldaıtynyn aıta otyryp, oblys jastarynyń ózekti máselelerine toqtaldy.

– Táýelsizdik rýhymen ósip kele jatqan búgingi jas býyn – erteńgi úmitimiz, senimdi tiregimiz. Jastar – el damýynyń negizgi faktory, – dedi oblys ákimi. –Búgingi kúni Aqmola oblysynda 750 myń turǵyn bolsa, onyń 20 prosentten astamy jastar. Búgingi kúni aqmolalyq jastar ár salada tabysty eńbek etýde. Olarǵa bılik tarapynan barlyq jaǵdaı jasalýda. Osy oraıda, oblys ákimi Kókshetaý qalasynda «Rýhanı jańǵyrý» saraıy jáne kópbeıindi sport kesheni salynatynyn atap ótti.

Kezdesýde «Jas sarbaz» balalar men jasóspirimderdiń áskerı-patrıottyq qozǵalysy» respýblıkalyq qoǵamdyq birlestigi oblystyq fılılynyń tóraǵasy Orynbek Saǵıdolla, «Shaǵyn jáne orta bıznesti damytýǵa qosqan úlesi» oblystyq baıqýynyń jeńimpazy Tımýr Sársenbaev, «World skills Kazakhstan-2018» 4-shi ulttyq chempıonatynyń alty medal ıegeri, Kókshetaý qalasyndaǵy joǵary tehnıkalyq kolledjdiń 3-shi kýrs stýdenti Maksım Sokolov, «Zhas Project» jastar korpýsyn damytý boıynsha jobanyń óńirlik úılestirýshisi Tımýr Ysqaqov, oblys ortalyǵyndaǵy IT mektep-lıseıiniń 10-shy synyp oqýshysy, muǵalimder úshin testileý saıtynyń avtory Janarys Saıranbekov, Kókshetaý tehnıkalyq ınstıtýtynyń kýrsanty Ádilet Serik, «Rýh-aldaspan» qoǵamdyq birlestiginiń tóraǵasy Mergen Toqsanbaı, Shoqan Ýálıhanov ýnıversıtetiniń stýdenti, «Máńgilik el jastary – ındýstrııasy! jobasyna qatysýshy Ádilet Qurmanbek, «Fenıks» volonterler ortalyǵy» óńiraralyq qoǵamdyq uıymynyń tóraıymy Aıym Kúshenova, «Shańyraq» agroónerkásiptik holdınginiń basshysy Indıra Sádenova sóz sóılep, jastarǵa arnalǵan baǵdarlamalar sheńberinde agroónerkásip, mádenıet, bilim jáne ǵylym salalarynda  qol jetkizigen jetistikterin jetkizse, endi biri,  keıbiri kúrmeýi qıyn máselelerdi ortaǵa saldy. Bes bala tárbıelep otyrǵan jas ana Ásemgúl Qalıjanova óziniń otbasylyq baqytymen bólisti.

– Joldasym Shyńǵys ekeýimiz bes bala tárbıelep otyrmyz. Bizdiń maqsatymyz ósirip otyrǵan ul – qyzdarymyzdy elimizdiń myqty azamaty etip tárbıeleý. Bizde kez-kelgen ata-ana retinde balalarymyzdyń bolashyǵy jarqyn jáne baıandy bolǵanyn qalaımyz.  Sol úshin aıanbaı eńbek etýdemiz. Jaqynda memlekettik turǵyn úı baǵdarlamasy boıynsha páterli boldyq. Bizdiń bolashaqqa degen senimimiz zor, – deıdi jas ana Ásemgúl Qalıjanova.

Sharada ár salada joǵary jetistikterge qol jetkizip, kózge túsken belsendi jastarǵa sertıfıkat jáne baǵaly syılyqtar tapsyrylyp, Alǵys hattarmen marapattaldy. Shara sońynda jergilikti shyǵarmashylyq jastardyń konserttik baǵdaralamasyna ulasty.

Baıqal BAIÁDIL,

«Egemen Qazaqstan»

Aqmola oblysy

Sońǵy jańalyqtar

Elimizde indet juqtyrǵandar sany 500-ge jetti

Koronavırýs • Búgin, 09:19

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar