Qazaqstan • 01 Naýryz, 2019

Oral qalasynda terakt jasamaq bolǵandar sottaldy

374 retkórsetildi

Oral qalasynda «quqyq qorǵaý organdary men áskerılerge qarsy «qarýly jıhad», ıaǵnı terrorızm aktilerin jasaý úshin uıymdasty» dep aıyptalǵan top múshelerine sot úkimi shyqty.

Batys Qazaqstan oblystyq qylmystyq ister jónindegi mamandandyrylǵan aýdanaralyq soty quramynda J.Eskendırov, A.Ismýrzın, T.Karchegenov, E.Baltabaev, N.Aıtbolatov, S.Tlekbaev, R.Jastalapov jáne kámeletke tolmaǵan Q.Brgalıev bolǵan qylmystyq topqa qatysty úkimdi jarııalandy.

Sot materıaldaryna qaraǵanda, 2018 jyldyń qańtar-sáýir aılarynda J.Eskendırov Oral qalasynda «salafı jıhad» baǵytyn ustanatyn, dinı radıkaldyq kózqarastaǵy A.Ismýrzın, T.Karchegenovpen tanysyp, Sırııaǵa barmaı-aq Oral qalasynda quqyq qorǵaý organdary men áskerılerge qarsy «qarýly jıhad», ıaǵnı terrorızm aktilerin jasaý úshin uıymdasqan terrorıstik topqa (jamaǵat) birigý jaıly talqylap, terrorıstik top qurǵan.

2018 jyly mamyr aıynda terrorıstik topty qurýshy J.Eskendırov, A.Ismýrzın, T.Karchegenov qataryna ózge de adamdardy tartyp, dinı ýaǵyz júrgizip, dinı alaýyzdyqty qozdyryp, terrorızmdi nasıhattap, terrorızm aktilerin jasaýǵa jarııa túrde shaqyrǵan. Olardyń josparynda Oral qalasyndaǵy Abaı polısııa bólimshesin jaryp jiberý, polısııa qyzmetkerlerin óltirý, áskerı bólimge shabýyl jasaý, taǵy basqa zańsyz áreketter bolǵan delinedi. Top basshysy, ıaǵnı «ámir» retinde J.Eskendırovty saılap, qalǵandary oǵan ant bergen.

Bul maqsattar úshin «ZK» modeldi 16-kalıbrli jáne «IJ-18E» modeldi 12-kalıbrli tegis uńǵyly ańshy «sholaq» myltyqtaryn oq-dárisimen taýyp, atý tásilin bir-birine úıretip, daıyndalǵan.

Qylmystyq top 2018 jyly maýsym aıynyń sońynda Oral qalasynda ornalasqan Polısııa bólimine, №5517 ishki áskerı bólimine jáne Ulttyq Qaýipsizdik Komıtetiniń ǵımaratyna kútpegen jerden shabýyl jasaýdy josparlaǵan eken. Alaıda, 25 maýsymda Ulttyq Qaýipsizdik Komıteti BQO boıynsha departamenti qyzmetkerleri terrorıstik topty tutqyndaǵan.

Batys Qazaqstan oblystyq qylmystyq ister jónindegi mamandandyrylǵan aýdanaralyq sot úkimi boıynsha 25 jasar J.Eskendırov pen 35 jasar A.Ismýrzın Qylmystyq Kodekstiń 174-baby 3-bóligimen (qylmystyq toppen jasalǵan dinı alaýyzdyqty qozdyrý), 256-baby 2-bóligimen (terrorızmdi nasıhattaý), 259-baby 2-bóligimen (terorıstik áreketti uıymdastyrý maqsatynda kámeletke tolmaǵan adamdy azǵyryp kóndirý), 287-baby 5-bóligimen (qylmystyq top quramynda qarýdy zańsyz ıemdený, tasymaldaý, saqtaý), 257-baby 1-bóligimen (terrorıstik topty qurý, oǵan basshylyq etý), 24-baby 1-bóligi 255-baby 4-bóligimen (terrorıstik aktiler jasaýǵa daıyndalý) aıypty dep tanylyp, árqaısysyna túpkilikti 13 (on úsh) jyl bas bostandyǵynan aıyrý jazasy taǵaıyndaldy.

52 jasar T.Karchegenov Qylmystyq Kodekstiń 174-baby 3-bóligimen, 256-baby 2-bóligimen, 259-baby 2-bóligimen, 257-baby 1-bóligimen, 24-baby 1-bóligimen, 255-baby 4-bóligimen aıypty dep tanylyp, oǵan túpkilikti 12 jyl 6 aı merzimge bas bostandyǵynan aıyrý jazasy taǵaıyndaldy.

19 jasar E.Baltabaev pen 20 jasar N.Aıtbolatov Qylmystyq Kodekstiń 174-baby 2-bóligimen (adamdar tobymen aldyn ala sóz baılasyp, qasaqana dinı alaýyzdyq qozdyrý), 256-baby 2-bóligimen, QK-niń 257-baby 2-bóligimen, 24-baby 1-bóligimen 255-baby 4-bóligimen aıypty dep tanylyp, QK-niń 55-baby 4-bóligin qoldanyp, (belgili bir quqyq buzýshylyq úshin kózdelgen jazadan góri neǵurlym jeńil jaza taǵaıyndaý) arqyly túpkilikti 5 jyl bas bostandyǵynan aıyrý jazasy taǵaıyndaldy.

21 jastaǵy S.Tlekbaev ta Qylmystyq Kodekstiń 257-baby 2-bóligimen, 24-baby 1-bóligimen 255-baby 4-bóligimen aıypty dep tanylyp, QK-niń 55-baby 4-bóligin qoldanyp, (belgili bir quqyq buzýshylyq úshin kózdelgen jazadan góri neǵurlym jeńil jaza taǵaıyndaý) túpkilikti 3 jyl bas bostandyǵynan aıyrý jazasy taǵaıyndaldy.

18 jasar R.Jastalapovqa Qylmystyq Kodekstiń 257-baby 2-bóligimen, 24-baby 1-bóligimen, 255-baby 4-bóligimen, QK-niń 55-baby 4-bóligin qoldanyp, túpkilikti 5 jyl bas bostandyǵynan shekteý jazasy taǵaıyndaldy.

Top músheleriniń ishindegi eń jasy, kámeletke tolmaǵan Q.Brgalıev (16 jasta) Qylmystyq Kodekstiń 257-baby 2-bóligimen, 287-baby 5-bóligimen, 24-baby 1-bóligimen 255-baby 4-bóligimen QK-niń 55-baby 4-bóligin qoldanyp, túpkilikti 2 jylǵa bas bostandyǵynan shekteý jazasy taǵaıyndaldy.

Sot barlyq sottalýshylardy aýyr jáne asa aýyr qylmystar jasaǵan dep sheshti.

«Terrorıstik toptyń eń jas eki qatysýshysy: R.Jastalapov pen kámeletke tolmaǵan Q.Brgalıevke toqtalatyn bolsaq, sot R.Jastalapovtyń densaýlyq jaǵdaıyn, otbasynyń jalǵyz uly ekenin, top basshysymen ákelingen qarý týraly bilmegenin, terrorıstik toppen ótkizilgen bas qosý jıyndaryna eki ret qatysyp, odan keıingi jıyndarǵa barmaǵanyn, jastyǵyn; al Q.Brgalıevtiń kámelet jasqa tolmaǵanyn, terrorıstik top múshesi týǵan aǵasy A.Ismýrzınniń shaqyrýymen jaldaǵan páterde birge turýy saldarynan olardyń azǵyrýynan topqa kirgenin eskerip, olardy bas bostandyǵynan aıyrmaı-aq tárbıelep, túzetýge múmkindik bar degen qorytyndyǵa keldi» delingen jýrnalısterge taratylǵan baspasóz paraqshasynda.

Aıta keteıik, «zańda kózdelgen tártippen sot úkimine shaǵym jasalǵan jaǵdaıda sot sheshiminiń zańdylyǵy joǵary turǵan sottarmen tekserilýi múmkin» dep eskertedi Batys Qazaqstan oblystyq sotynyń baspasóz qyzmeti.

Qazbek QUTTYMURATULY,

«Egemen Qazaqstan»

Batys Qazaqstan

Sońǵy jańalyqtar

Ystyq tamaq taratty

Qazaqstan • Búgin, 17:59

Jaqsy ákim jalǵyz júredi

Tanym • Búgin, 17:02

Betperde kıgen kóktem

Tanym • Búgin, 16:55

Uqsas jańalyqtar